2 Samuel 23:18 - Tayta Diospa Wilakuynin

¹⁸ Kimsa Chunka niyashqan alinnin kaq soldädukunapa capitanninmi karqan Sarviapa wawan Joabpa wawqin Abisai. Juk kutichömi kimsa pachak (300) contran soldädukunawan pelyashpan lanzanwan lapanta Abisai wanusirqan. Saynöpami kimsa ali chölunnin kaq soldädukuna respitash kayashqannöla Abisaipis respitädu karqan.

2 Samuel 23:18 ပူးပေါင်းရင်းမြစ်များ

2 Samuel 10:10

Wakin soldädukunatanami wawqin Abisaitawan kacharqan amonita soldädukunawan pelyayänanpaq.

2 Samuel 10:14

Siria soldädukuna qeshpiyashqanta rikaykurmi amonita soldädukunapis Abisaipita qeshpir markaman yaykukuykuyarqan. Sayno qeshpiyaptinmi Jerusalénpana soldädunkunawan Joab kutikurqan.

2 Samuel 18:2

Nirkurmi lapan soldädukunata kimsa batallonman rakir Joabta churarqan juk batallonpa mandaqnin kananpaq. Joabpa wawqin Sarviapa wawan Abisaitami churarqan juk batallonpa mandaqnin kananpaq. Itaitanami churarqan juk batallonpa mandaqnin kananpaq. Nirkurmi soldädunkunata nirqan: <>.

2 Samuel 2:18

Saychömi Sarviapa kimsa wawankuna kaykäyarqan. Paykunapa jutinkunami karqan Joab, Abisai y Asael. Asaelqa luychunöraqmi cörriq.

2 Samuel 20:10

Jukaq makincho cuchilluta aptaraykashqanta Amasa mana tantiyaptinmi Joabqa ashashninpis pasaman qotukaqpaq tuksiriykurqan. Jinan höra wanuptinmi yapay tuksirqannasu. Nirkurnami Joab y wawqin Abisai Bicripa surin Sebata wanusiyänanpaq qatipar aywayarqan.

2 Samuel 23:19

Abisaiqa Kimsa Chunka niyashqan soldädukunapita mas reqish karmi paykunapa capitannin karqan. Sayno karpis manami tinkurqansu kimsa ali chölunnin kaq soldädukunamanqa.

2 Samuel 3:30

Saynömi wawqin Abisaiwan Joab Abnerta wanusiyarqan wawqin Asaelta Gabaóncho pelyar wanusishqanpita.

1 Crónicas 2:16

Paykunapa paninkunami kayarqan Sarviawan Abigail. Sarviapa wawankunami kayarqan Abisai, Joab y Asael.

Eclesiastés 4:12

Juklaylataqa pelyarpis vincinmi. Ishkaq kaptinmi isanqa pipis vinciyta puëdinsu. Waskapis kimsapash karqa manami asïlaqa rachinsu.