2 Samuel 23:10 - Tayta Diospa Wilakuynin

¹⁰ Eleazarmi isanqa mana mansariypa makinpis espädata aptarar yachakashqanyaq filisteo soldädukunawan pelyarqan. Vincishqanta tantiyakurmi Israel soldädukuna Eleazar kaqman kutiykur wanush soldädukunapa imaykankunatapis apakuyarqan. Tayta Dios sayno yanapaptinmi filisteo soldädukunata pasaypa vinciyarqan.

2 Samuel 23:10 ပူးပေါင်းရင်းမြစ်များ

2 Samuel 23:12

Samami isanqa say chakra chawpincho filisteo soldädukunata vincirqan. Saynöpami Israel runakunata Tayta Dios yanaparqan filisteo runakunata vinciyänanpaq.

2 Reyes 5:1

Siria soldädukunapa capitanninmi Naamán karqan. Tayta Dios yanapaptinmi Siria nacionpa contrankunata soldädunkunawan imaypis vinciq. Saymi pay karqan Siria nacionpa mandaqnin rey yärakushqan runa. Sayno karpis lepra qeshyawanmi qeshyaykarqan.

1 Crónicas 11:13

Israel runakunawan guërrata rurayänanpaq filisteo runakuna Pasdamimcho shuntakäyaptinmi Eleazarpis saycho Davidwan kaykarqan. Cebäda chakracho pelyaykäyashqanpitami filisteo runakunapita Israel runakuna qeshpir aywakuyarqan.

Salmo 108:13

13 (14) Tayta Dios yanapämashqaqa asulashunmi. Paymi chikimaqninsikunata ushakäsinqa.

Salmo 144:10

Chikiqninkunata vinciyänanpaqmi reykunata yanapanki. Espädawan mana wanusinanpaqmi sirvishuqniki Davidtapis salvanki.

Salmo 68:12

12 (13) <<¡Contransi reykunapis soldädunkunawan qeshpirmi aywakuyash!>> nir. Contrankunapita apayashqantami wayinkunacho warmikuna rakipänakuyarqan.

Isaías 53:12

Kikin salvakunanpa trukan jusayuq runanölami wanurqan. Runakuna rayku wanurmi paykunata perdonanäpaq manakamarqan. Saymi payta churashaq mas respitash kananpaq. Guërracho vinciqkuna imaykatapis chaskiyashqannömi paypis premiuta chaskinqa>>.

Romanos 15:18

Saymi alabakunäpa trukanqa pay yanapämashlanta maysaychöpis parlashaq. Yanapämaptinmi wilakuyninta wilakuykä y runakuna rikakuyänanpaq shumaq kawaykä. Saymi mana Israel runakunapis Tayta Diosta cäsukuykäyan.

2 Corintios 4:5

Manami noqakunapa munaynïcho kawayänaykipaqsu wilakuyä, sinöqa Señor Jesucristupa munaynincho kawayänaykipaqmi. Noqakunaqa Jesucristuta sirvir qamkunapa ashmaynikinölami kaykäyä.

Josué 10:10

Sayno atacayaptinmi amorreo runakunapa shonqunkunaman pasaypa mansariyta Tayta Dios churarqan. Saynöpami Israel runakuna saysika runakunata Gabaóncho wanusiyarqan. Wakintanami qeshpiykäyaqta qatipaykur Bet-horónpa aywaq nänicho wanusiyarqan. Bet-horónpitanami wakintapis Azecayaq y Macedayaq wanusiyarqan.

Josué 10:42

Israel runakuna yärakuyashqan Tayta Dios yanapaptinmi campamentuman mana kutiylapa lapan say runakunata ushakäsiyarqan.

Josué 11:8

Atacayaptinmi Tayta Dios yanaparqan lapanta ushakäsiyänanpaq. Saymi qatikachäyarqan jatun Sidón markayaq y Misrefot-maimyaq. Saynöpis inti jeqamunan kaqläpa qatikachäyarqan Mizpa pampayaq. Sayno pelyar manami juklaylatapis kawaykaqta kachaykuyarqansu.

Jueces 15:14

Lehi markaman chäsiyaptinmi filisteo runakuna seqaypa kushikur taripäyarqan. Saymi jinan höra Tayta Diospa Espïritun yanapaptin Sansónqa liyaraykashqan waskatapis rachirirqan liptayash jïlutanöla.

Jueces 15:18

Filisteo runakunata wanuykasirmi Sansón fiyupa yakunashpan Tayta Diosta manakur nirqan: <<¿Saysika runakunata wanusinäpaq yanapaykämarku yakunaypita wanunäta munaykanki? Wanunaykaqtachir qamman mana yärakamuq runakuna sariyämanqa>>.

1 Samuel 11:13

Sayno niyaptinmi Saúl nirqan: <>.

1 Samuel 14:23

Say wanusinakuyqa karqan hasta Bet-avén markayaqmi. Say junaqmi filisteo runakunata vinciyänanpaq Israel runakunata Tayta Dios yanaparqan.

1 Samuel 14:6

Saymi yanapaqninta Jonatán nirqan: <>.

1 Samuel 17:53

Qatikachäyashqanpita Israel runakuna kutiykurmi filisteo runakunapa campamentunpita imankunatapis apakuyarqan.

1 Samuel 19:5

Wanuyta mana mansaypa Goliatta wanusiptinmi filisteo runakunapita Israel runakunata Tayta Dios salvash. Kikikipis Goliatta vinciykuptin kushikurqaykichä. Jusaynaq kaykaptinqa ¿imanirtaq Davidta wanusiyta yarpaykanki?>>