2 Samuel 22:21 - Tayta Diospa Wilakuynin

²¹ Munashqanno kawaptïmi jorqamarqan. Alilata ruraq kaptïmi salvamarqan.

2 Samuel 22:21 ပူးပေါင်းရင်းမြစ်များ

2 Samuel 22:25

Alilata ruraq kaptïmi imaykapitapis Tayta Dios sapämash. Jusaynaq kashqäta musyarmi yanapämash.

1 Reyes 3:6

Sayno niptinmi Salomón nirqan: <

1 Reyes 8:32

jana pasapita pasa wiyaykalämunki. Nirkur jusayuq kaqta castigarpis jusaynaq kaqtaqa ama castigaykulankisu.

Job 17:9

Sayno rabyakurpis ali runakunaqa imaypis alilatami rurayan. Manakaqman churayaptinpis mana ajayaypami alita rurayan.

Salmo 19:11

11 (12) Mana jusalikunanpaqmi leynikikunawan sirvishuqnikita tantiyasinki. Nishqaykikunata cumplirqa bendicionnikitami chaskinqa.

Salmo 24:4

Saymanqa yaykuyanqa alilata ruraqkunala, shonqunkunacho imaypis alilata yarpaqkunala, ïduluta mana adoraqkunala y promitishqanta mana qonqaypa cumpliqkunalami.

Salmo 7:8

8 (9) Qammi maysay nación runakunata juzgankipaq. Runakunapa contranta imatapis mana rurash kaykaptïqa favornï sharkuykulay.

Proverbios 11:31

Tayta Diosta cäsukuq runaqa alita rurashqanpitami premiuta kay pasacho chaskin. Tayta Diosta mana cäsukuq runami isanqa jusalikushqanpita castigash kanqa.

1 Corintios 15:58

Sayno kaykaptinqa, kuyay wawqi panikuna, mana qelanaypa y mana ajayaypa Señor Jesucristuta imaypis sirviyay. Musyayashqaykinöpis payta sirviyashqayki manami manakaqlapaqsu kaykan.

Santiago 4:8

Tayta Dioswan imaypis kawayay. Sayno kawayaptikiqa paypis qamkunawanmi kaykanqa. ¡Jusasapakuna! Makikikunata awikuyashqaykino jusalikuykunata kachariyay. Janan shonqula cäsukuyänaykipa trukanqa lapan shonquykikunawan Tayta Diosta cäsukuyay.

1 Samuel 26:23

Alita o mana alita rurashqansipitapis Tayta Diosmi juzgamäshun. Saymi Tayta Dios akrashushqaykita musyar makïman churamushuptikipis wanusishkäsu.