2 Samuel 21:16 - Tayta Diospa Wilakuynin

¹⁶ Isbi-benob jatusaq casta runa Davidta qatipaykarqan wanusiyta munar. Say runapa lanzanmi lasarqan kimsa kïlupita masraq. Espädanpis mushuqlami karqan.

2 Samuel 21:16 ပူးပေါင်းရင်းမြစ်များ

Génesis 14:5

Saymi juknin watachöna Quedorlaomer yanapaqnin reykunawan y soldädunkunawan aywayarqan Astarot Karnaimman. Saychönami refaíta runakunawan pelyayashpan paykunata asulayarqan. Saynölami Ham markapa aywar zuzita runakunatapis ushakäsiyarqan. Saypita Save-Quiriataimpa aywar emita runakunatapis asulayarqan.

Génesis 6:4

Diospa wamrankunawan runakunapa warmi surinkuna täyashqan wisanmi sikasaq runakuna kay pasacho kawayarqan. Say unay runakunami selläma mentädu y kalpayuq kayarqan.

2 Samuel 21:18

Saypita Gob partichönami filisteo runakunawan yapay guërrata rurayarqan. Saychömi jatusaq casta Saf jutiyuq runata Sibecai wanusirqan. Sibecaiqa Husa markapitami karqan.

2 Samuel 21:20

Gat markacho yapay guërra kaptinmi jatusaq casta filisteo runa yarqamurqan Israel runakunawan pelyayänanpaq. Paypa cada makincho y cada chakincho soqta dëdunkuna kaptinmi ishkay chunka chusku (24) dëdunkuna karqan.

2 Samuel 21:22

Say chusku jatusaq filisteo runakunami kayarqan Gat markapita Refa ayllu runakuna. Paykunatami David y soldädunkuna wanusiyarqan.

2 Samuel 5:18

Filisteo runakuna chaykurmi campamentunta sharkasiyarqan Refaim pampacho.

Números 13:22

Neguevpa päsarmi Hebrón markaman chäyarqan. Saychömi taykäyarqan Anacpita miraq Ahimán runakuna, Sesai runakuna y Talmai runakunapis. Hebrón markata sharkasiyashqanpita qanchis watataraqmi Egiptucho Zoán markata sharkasiyarqan.

Números 13:28

Isanqa saysikami runakuna saycho täyan. Markankunapis jatusaq y ali murallashqami kaykäyan. Saynölami Anacpita miraq jatusaq runakunapis kaykäyan.

Deuteronomio 1:28

Kanan ¿maymanraq aywashun? Rikapakuqkuna kutimur wilamashkansi say markakunacho taq runakuna noqansipita mas jatusaq y kalpasapa kayashqanta y markankunapis altuyaq murallash kayashqantami. Saynöpis wilamashkansi Anacpita miraq jatusaq runakuna saycho kayashqanta. Sayno wilamashpansimi pasaypa mansakäsimashkansi>.

Deuteronomio 2:10

(Moabita runakuna nacionninman manaraq chäyaptin emita runakunami say partikunacho täyarqan. Paykunapa markankuna askami karqan. Anacpita miraq runakunanömi paykunapis jatusaq kayarqan.

Deuteronomio 2:11

Say runakunata refaíta jutiwan wakin runakuna reqiyaptinpis moabita runakunanami emita jutiwan reqiyarqan.

Deuteronomio 2:21

Refaíta runakunapa markankuna askami kayarqan. Saynöpis Anacpita miraq runakunanömi jatusaq kayarqan. Sayno kayaptinpis amonita runakunatami Tayta Dios yanaparqan say runakunata ushakaykasir saycho täyänanpaq.

Deuteronomio 3:11

Basán nacionpa mandaqnin rey Ogqa jatunkaray refaíta runami karqan. Payta wanurasish manami mas refaíta runakuna kayarqannasu. Paypa catrinpis fiërrupitami karqan. Catrinpa larguyninpis chusku metrumi karqan. Anchuyninnami ishkay metruno karqan. Amonita runakuna taykäyashqan Rabá markachömi kananyaqpis catrin kaykanraq.

Deuteronomio 9:2

Musyayashqaykinöpis paykuna Anacpita miraq karmi jatusaq runakuna kaykäyan. Saymi paykunapaq runakuna nikäyan: <¿Piraqchi ichipanman Anacpita miraq jatusaq runakunataqa?>

Josué 11:22

Saynöpami intëru Israelcho anaceo runakuna chipyaq ushakäyarqan. Gaza, Gat y Asdod markakunalachönami anaceo runakuna kayarqan.

Josué 15:14

Anaceo runakuna kayarqan Sesai ayllu, Ahimán ayllu y Talmai ayllumi. Say kimsa ayllu anaceo runakunatami markankunapita Caleb qarqurqan.

1 Samuel 17:7

Lanzanpa qerunpis telarpa awa qorikunano rakumi karqan. Say lanzanpa puntan fiërruqa lasarqan soqta kïlumi. Pelyaq aywaptinnami yanapaqninpis escüdun aptash puntanta aywaq.