2 Samuel 21:14 - Tayta Diospa Wilakuynin

¹⁴ Shuntarkasimurmi Saúlpa y surin Jonatánpa tulunkunata churayarqan Saúlpa taytan Cispa tulunkuna churarashqan sepultüraman. Say sepultüraqa karqan Benjamín trïbu runakuna täyashqan Zela markachömi. Rey David nishqannöla lapanta rurayaptinmi Israel runakunata Tayta Dios yanaparqan mikuyninkuna alina wayunanpaq.

2 Samuel 21:14 ပူးပေါင်းရင်းမြစ်များ

2 Samuel 21:13

Saypitami Saúlpa y surin Jonatánpa tulunkunata Jabes markapita David shuntasimurqan. Saynölami Gabaón runakuna wanusiyashqan qanchis runakunapa tulunkunatapis shuntasimurqan.

2 Samuel 24:25

Nirkurnami say ëracho altarta David rurarkasir rupasina sacrificiukunata y jawka kawakuy sacrificiukunata rupasirqan. Saymi runakuna manakuyashqanta wiyar Tayta Dios manana pitapis pesti qeshyawan wanusirqannasu.

2 Samuel 3:32

Saychömi David lapan runakunawan Abnerpaq qapararraq waqayarqan. Saynömi Hebróncho Abnerta pampayarqan.

2 Samuel 4:12

Sayno nirkushpannami soldädunkunata David nirqan paykunata wanusiyänanpaq. Wanurkasir makinkunata chakinkunata roqurishpanmi Hebróncho kaykaq pözu nawpanman ayankunata warkuyarqan. Is-bosetpa umantanami Abner pamparashqan nawpanman Hebróncho pampayarqan.

Jonás 1:15

Sayno manakuskir Jonásta lamarman jitarpuskiyaptinmi fiyupa pulchaqyaykashqanpita chawaskirqanna.

Zacarías 6:8

Saypitanami ángel qayaykamar nimarqan: <<¡Rikay! Norti kaqläpa aywaq cawallukunami castïgüta sayman chäsiyash. Saymi kanan rabyanänasu>>.

Números 25:13

Pactuta rurarmi kikinta y paypita miraqkunata imayyaqpis cüra kayänanpaq churä. Noqata respitamar say jusayuq runata wanusishqanpitami Israel runakunapa jusankunata perdonashkä>>.

Números 25:8

aywarqan madianita warmita pushaykashqanpa qepanta toldun ruriyaq. Yaykurirmi muntanakush kaykaqta pachanpa tuksirirqan. Sayraqmi fiyu qeshyawan Israel runakuna wanuykäyashqanpita chawäyarqan.

Josué 18:28

Zela, Elef, Jebús (Jebúspa jukaq jutin kaykan Jerusalén), Gabaa y Quiriat. Say markakuna chunka chuskumi caseriunkunawan kayarqan. Saynömi Benjamín trïbu runakuna ayllunpa ayllunpa chaskiyashqan posisionninpa lindërun karqan.

Josué 7:26

Nirkurnami rupasiyashqan jananman saysika rumikunata qotuyarqan. Say rumikuna kananyaqmi saycho qoturaykan. Say wanusiyashqan junaqpita pasami say pampapa jutin Acor Pampa kaykan. Acánta wanuskasiyaptinnami Tayta Diospa rabyanaynin päsarqan.

1 Samuel 10:2

Kanan kaypita aywakur Benjamín trïbu runakuna täyashqan lindëruncho kaq Selsaman charmi ishkay runakunawan tinkunki. Say kanqa Raquel pamparaykashqan kaqchömi. Paykunami wilayäshunki ashiykashqayki ashnuykikunata papäniki mayna tarishqanta. Saynölami wilayäshunki papäniki qampaq lakikuykashqantapis.