2 Samuel 21:10 - Tayta Diospa Wilakuynin

¹⁰ Saymi ayakuna warkaraykäyashqanman Ajapa surin Rizpa aywaykur jatun rumi jananman cotenciata qeshtarqan. Sayman jamaykurmi wiskurkuna y munti uywakuna mikuyänanta paqaspa junaqpa wajakurqan. Sayno wajakurqan cebäda cosëcha qalaykushqanpita tamya killa chämushqanyaqmi.

2 Samuel 21:10 ပူးပေါင်းရင်းမြစ်များ

Génesis 40:19

Kananpita kimsa junaqtami umaykita roqurasir qeruman Faraón warkusishuptiki ayaykita wiskurkuna mikuyanqa>>.

2 Samuel 21:11

Saúlpa concubïna warmin Rizpa sayno täparaykashqanta Davidta wilaptinmi

2 Samuel 3:7

Saúlpa concubïna warminmi karqan Ajapa surin Rizpa. Juk junaqmi Abnerta qayaykasir Is-boset nirqan: <<¡Imanirtaq papänïpa concubïnawan punushkanki!>>

1 Reyes 21:27

Tayta Dios nishqanta Elías wilaykuptinmi rey Acab mödananta rachirir qachqa mödanata jatikurqan. Nirkurmi ayunashpan fiyupa lakikur say mödanan jatishla punurqanpis.

Jeremías 14:22

Kay pasacho ima ïdulupapis manami munaynin kansu tamyasimunanpaq. Ciëlupis manami kikilanpitaqa tamyasimunsu, sinöqa qamraqmi tamyasimunki, Tayta Dios. Lapan päsashqankunapis qampitami kaykan. Saymi salvayämänaykipaq qamlaman yärakayämü.

Ezequiel 39:4

Soldäduykikunawan y juk nacionkunapita shayämuq soldädukunawanmi Israel jirkakunacho lapayki wanuyanki. Saycho wiskurkuna y chucaru jirka uywakuna mikuyäshunaykipaqmi kamakäsishaq.

Oseas 6:3

¡Tayta Diosman imanöpapis kutishun! Pasa waraptin inti jeqamunanpaq kashqanta musyashqansinömi kuyapämänansipaq kashqantapis musyansi. Usya tiempu päsaptin tamya qalaykunanpaq kashqanta musyashqansinömi yanapämänansipaq kashqantapis musyansi.

Joel 1:18

Qewata maychöpis mana tarirmi wäkakunapis pasaypa kuyapaypaq waqaykäyan. Saynölami uyshakunapis cabrakunapis wanur ushakaykäyan.

Joel 2:23

Sióncho taqkuna, noqaman yärakayämashpayki kushikuyay. Unaynömi punta kaq tamyata y qepa kaq tamyatapis tiempulancho tamyasimushaq.

Zacarías 10:1

Mikuy winaykashqan wisan tamyasimunanpaq Tayta Diosta manakuyay. Manakuyaptikiqa elqukasimur alimi tamyasimunqa. Saynöpami chakraykikunacho qewa shumaq winamunqa.

Deuteronomio 11:14

punta kaq tamyata y qepa kaq tamyatapis tiempulanchömi tamyasimunqa. Saymi trïgupis ni vïnupis ni aceitipis pishïyäshunkisu.

Deuteronomio 21:13

Nirkur mödananta trukasiyanki. Saypita papäninpaqwan mamanpaq lakikur juk killa lüturkuptinraq say warmiwan majasakäyanki.

Deuteronomio 21:22

<

Deuteronomio 21:23

ama waräsiyäsunsu. Runapa ayan qerucho warkaraptin maldicionashqami kanqa. Sayno kaptin wanushqan junaq jukla pampayanki. Warkaraykaqta waräsirqa Tayta Dios qoyäshunaykipaq kaykaq naciontami impüruyäsiyanki.

1 Samuel 17:44

Nirkurmi nirqan: <<¡Mä, runa karqa shamuy! ¡Kananmi wanuskasir wiskurkunawan munti uywakuna mikuyäshunaykipaq jitarishayki!>>

1 Samuel 17:46

Kananmi makïman Tayta Dios churamushushkanki wanuskasir kunkaykita roqunäpaq. Saynölami wakin soldädu mayikikunapa ayankunapis wiskurkuna y munti uywakuna mikuyänanpaq mashtaräyanqa. Saynöpami maysaychöpis runakuna musyayanqa Israel runakunata yanapaq Tayta Dios lapanpaq munayyuq kashqanta.