2 Samuel 20:9 - Tayta Diospa Wilakuynin

⁹ Nirkurmi Joab nirqan: <<¿Alilaku kaykanki, wawqi?>> Sayno nishpanmi aluq kaq makinwan shaprapita aptarkurqan qaqlancho musayta munaqno.

2 Samuel 20:9 ပူးပေါင်းရင်းမြစ်များ

2 Samuel 15:5

Saynölami nawpanman pipis qonqurpakuptinqa makipita jukla jancharkushpan makalarkur musarkuq.

2 Samuel 17:25

Absalónmi Joabpa trukan soldädunkunapa capitannin kananpaq Amasata churarqan. Amasapa papänin karqan Ismael ayllu Itrami. Mamannami karqan Nahaspa surin Abigail. Abigailmi karqan Sarviapa nanan. Sarvianami karqan Joabpa maman.

2 Samuel 18:29

Saymi rey David tapurqan: <> Niptinmi Ahimaas nirqan: <>.

2 Samuel 3:27

Hebrón markaman Abner kutiykuptinmi pakaylapa parlananpaq marka yaykunaman Joab pusharqan. Saychönami wawqin Asaelta wanusishqanpita kikintapis pachanpa wanuqpaq tuksirirqan.

1 Reyes 2:32

Sayno wanusiptikiqa Tayta Diosmi payta juzganqa jusaynaq capitankunata wanusishqanpita. Payqa papänïta mana musyasiylapami Nerpa surin Abnerta y Jeterpa surin Amasata tuksirirqan. Abner karqan Israel soldädukunapa capitanninmi. Amasanami karqan Judá soldädukunapa capitannin. Ishkanpis Joabpita mas ali runami kayarqan.

Salmo 55:21

21 (22) Paykunaqa ali shimilanpa parlaparpis shonqunkunachöqa amïgunta nanaparaykäyanmi. Mishki mishkila parlapashqanpis imayka ali afilash cuchillunöraqmi kaykan.

Proverbios 26:23

Mitu mankata qellaywan enchapaptinpis rurinpaqa kashlanmi kaykan. Saynölami yaqa runaqa ali shimilanpa parlarpis shonqunchöqa nanaparaykan.

Proverbios 27:6

Jaqayänayki kaptinpis amïguyki corrigishushqaykiqa alimi kaykan. Chikishuqniki runami isanqa mana alita ruraptikipis alabashunki.

Jeremías 41:2

Mikuykäyashqanchömi pushashqan chunka runakunawan Ismael elaqpita Gedalíasta espädanwan wanurasiyarqan. Gedalíastami Judá nacionpa gobernadornin kananpaq Babilonia nacionpa mandaqnin rey churash karqan. Sayno kaykaptinpis mana mansapakuypami wanusiyarqan.

Miqueas 7:2

Kay nacioncho manami pipis Tayta Diosta cäsukunsu. Alilata ruraq runaqa manami jukpis kansu. Wanusinakuylapaqmi yarpaykäyan. Jukninpis jukninpis ushakäsinakuylatami munaykäyan.

Jueces 3:15

Saymi Tayta Diosta manakuyaptin Gerapa surin Aodta Tayta Dios yanaparqan Israel runakunata salvananpaq. Aodqa isuq makinwan imatapis ruraqmi karqan. Saynöpis Benjamín trïbu runami karqan. Paywanmi Israel runakunaqa impuestu shuntayashqanta rey Eglónman apasiyarqan.