2 Samuel 20:15 - Tayta Diospa Wilakuynin

¹⁵ Saypitanami soldädunkunawan Joab chäyarqan Abel-bet-maacaman. Marka punkun shumaq wichqaraptinmi yaykuyta mana kamäpakuyashpan marka murälla waqtanman rumita y alpata qotuyarqan. Saypa wisarkurnami lapan soldädukuna murällata juchusir qalaykuyarqan.

2 Samuel 20:15 ပူးပေါင်းရင်းမြစ်များ

2 Samuel 20:14

Sayyaqmi lapan trïbu Israel runakuna täyashqankunapa päsar Seba charqan Abel-bet-maaca markayaq. Saychömi Bicripita miraq ayllunkunawan shuntakaykur yaykuyarqan say markaman.

1 Reyes 15:20

Sayno manakuptinmi rey Ben-adad awnishpan soldädunkunata y capitanninkunata kacharqan Israel nacioncho kaykaq markakunata atacayänanpaq. Atacarmi acaparayarqan Ijón, Dan y Abel-bet-maaca markakunata, Cineret particho kaq markakunata y Neftalí particho kaq markakunatapis.

2 Reyes 15:29

Israel nacioncho Peka rey kaykaptinmi Asiria nacionpa mandaqnin Tiglat-pileser soldädunkunawan Israel nacionman chäyarqan atacayänanpaq. Atacarmi vinciyarqan Ijón markacho taq runakunata, Abel-bet-maacacho taq runakunata, Janoa markacho taq runakunata, Cedes markacho taq runakunata, Hazor markacho taq runakunata, Galaad particho taq runakunata, Galilea particho taq runakunata y Neftalí particho taq runakunatapis. Nirkurmi saycho taq runakunata Asiriaman prësu apakuyarqan.

2 Reyes 19:32

<

Eclesiastés 9:14

Rikashkä juk taksha markacho walkaqla runakuna kaykäyaqtami. Saymanmi munayyuq rey atacaq chaykur jiruruypa churakäyarqan. Nirkurmi markaman yaykuyänanpaq soldädunkunawan kamarikuyarqan.

Isaías 37:33

<

Jeremías 32:24

Saymi Babilonia soldädukuna kay markaman yaykayämunanpaq murälla waqtankunapa alpata qotuyash. Markata jiruruparäyämuptinmi runakuna yarquyta mana puëdir wakinkuna malaqaywan wanuyanqa y wakinnami pestiwan wanuyanqa. Babilonia soldädukuna markaman yaykayämuptinnami wakin runakuna guërracho wanuyanqa. Sayno vinciyämashpanmi munayninman churayämanqa. Kay markata ima päsananpaq kashqantapis nishqaykinölami kanan päsaykan.

Jeremías 33:4

<

Jeremías 6:6

Say reykunatami lapanta mandaq Tayta Dios nin: <<¡Jerusalén punkuta pakiyänaykipaq qerukunata mutuyay! ¡Murällan waqtankunaman wisar yaykuyänaykipaq alpata qotuyay! Say markacho kaykaq runakunataqa castigashaqmi. Saychöqa pasaypa fiyu runakunami kaykäyan.

Ezequiel 4:2

Toldukunatapis jiruruypa ichisiy. Puklana soldädukunata yaykuykaqtano jiruruypa churay. Murälla waqtankunapa alpata qotuy. Markaman yaykuyänanpaq escalëratapis churay. Murällata juchusinanpaq mäquinakunatapis jiruruypa churay.

Lucas 19:43

Saymi nakayänaykipaq kaq junaqkuna chämunqa. Say junaqkunami marka murällaykikuna waqtanman alpata qotur chikishuqnikikuna jiruruypa atacayäshunki.