2 Samuel 18:17 - Tayta Diospa Wilakuynin

¹⁷ Nirkurnami Absalónpa ayanta juk uchkuman winaykur jananman aska rumikunata qotuyarqan. Davidpa contran Israel soldädukunanami qeshpir wayinkunapa aywakuyarqan.

2 Samuel 18:17 ပူးပေါင်းရင်းမြစ်များ

2 Samuel 19:5

5 (6) Saymi David waqaykashqan kaqman aywaykur Joab nirqan: <

2 Samuel 19:8

8 (9) Sayno niptinmi rey David bäjaskamur marka yaykuna punku nawpanman jamakurqan. Saycho jamaraykashqanta musyaykurmi lapan runakuna kushish Davidpa nawpanman shuntakäyarqan. Davidpa contran pelyaq kaq Israel runakunaqa qeshpirmi wayinkunapa aywakuyarqan.

2 Samuel 19:9

9 (10) Saypitanami lapan trïbu Israel runakuna kikinkuna parlar niyarqan: <

2 Samuel 20:1

Saychömi kaykarqan Bicripa surin Seba. Sebaqa Benjamín trïbupita yaqa runami karqan. Paymi cornëtata tukashpan Davidpa contran sharkur nirqan: <<¡Israel runakuna, wayinsikunapa kutikushun! ¡Davidqa manami mandamaqninsi rey kanmansu! ¡Isaípa surin Davidpitaqa manami imatapis chaskishunsu!>>

2 Samuel 20:22

Sayno nirmi say warmiqa Sebata wanusiyänanpaq marka mayin runakunawan wilanakuyarqan. Nirkurmi Sebapa umanta roquskir jitaskayämurqan marka murälla jananpa. Jitapaskayämuptinnami cornëtata Joab tukasirqan soldädunkuna markata manana atacayänanpaq. Saymi lapan soldädukuna wayinkunapana kutikuyarqan. Joabpis Jerusaléncho rey David kaqmanmi kutikurqan.

2 Reyes 14:12

Israel soldädukuna vinciyaptinmi Judá soldädukunaqa qeshpir wayinkunapa kutikuyarqan.

2 Reyes 8:21

Saymi Joramqa guërra carrëtankunawan Edomcho kaq Zair markaman aywayarqan atacayänanpaq. Edomita soldädukuna pelyaq yarqurmi rey Joramta y carrëtakunawan aywaq capitankunata tumaypa sapaskiyarqan. Sayno sapaskiyaptinmi Israel soldädukunaqa imaykanöpapis sakaypa qeshpir wayinkunapa aywakuyarqan.

Proverbios 10:7

Ali runapaqqa pipis yarparkunmi. Fiyu runapaqmi isanqa pipis yarpannasu.

Deuteronomio 21:20

Chaykasirnami mayor runakunata niyanqa: .

Deuteronomio 21:21

Sayno niyaptinmi markacho taq lapan runakuna shuntakar samqaypa say maqtata wanusiyanqa. Israel nacioncho say niraq runakunata sayno elaqäsiyashqaykita musyarmi lutankunata pipis ruranqanasu.

Josué 10:27

Inti jeqaykaptinnami qerukunacho warkuraykaqta jorqaskasir pakakuyashqan machaylaman jitaykasirqan. Nirkurmi jatunkaray rumikunawan punkuta sapaykasirqan. Sayqa kananyaqpis kaykanmi.

Josué 7:26

Nirkurnami rupasiyashqan jananman saysika rumikunata qotuyarqan. Say rumikuna kananyaqmi saycho qoturaykan. Say wanusiyashqan junaqpita pasami say pampapa jutin Acor Pampa kaykan. Acánta wanuskasiyaptinnami Tayta Diospa rabyanaynin päsarqan.

Josué 8:29

Hai markapa mandaqnin reyta wanuskasirmi ayanta tardiyaq qeruman warkusirqan. Inti jeqaykaptinnami jorqarkasir marka yaykunaman apasirqan. Nirkurmi aya jananman rumikunata qotuyänanpaq nirqan. Say rumikuna kananyaqmi qoturaykan.

1 Samuel 4:10

Filisteo soldädukuna vinciyaptinmi Israel runakuna qeshpir campamentunman kutikuyarqan. Say pelyachömi Israel runakunata filisteo soldädukuna wanusiyarqan kimsa chunka waranqa (30,000) soldädukunata.