2 Samuel 16:1 - Tayta Diospa Wilakuynin

¹ Saypita aywar Olivos lömata David tumarkuptinmi Mefi-bosetpa ashmaynin Siba tariparqan ishkay sillash ashnunkuna qatish. Say ashnukunaman chaqnakurkurmi Davidpaq aparqan ishkay pachak (200) tantakunata, päsaslan atipay pachak (100) tantakunata, pachak (100) frütakunata y vïnu purisikuna qarawan vïnutapis.

2 Samuel 16:1 ပူးပေါင်းရင်းမြစ်များ

2 Samuel 15:30

Davidnami fiyupa lakikushpan uman shukutashla y qara chakila Olivos lömapa waqaraykar wisarqan. Saynölami paywan aywaqkunapis uman shukutash waqaraykar wisäyarqan.

2 Samuel 15:32

Olivos lömaman jeqarkurmi Tayta Diosta adorakuyänan kaqman chaykur tinkurqan Husaiwan. Husaiqa Aracpitami karqan. Paypis lakikushpan mödanan rachish y umanman alpata winakushqami charqan.

2 Samuel 19:17

17 (18) Simeiwanmi Benjamín trïbu waranqa (1,000) runakunapis aywayarqan. Saynölami Saúlpa ashmaynin Sibapis chunka pisqa surinkunawan y ishkay chunka (20) ashmayninkunawan aywar rey David manaraq chaptin Jordán mayuman mas puntata chäyarqan.

2 Samuel 19:32

32 (33) Say runa karqan puwaq chunka (80) watayuqmi. Paymi rïcu kashpan Mahanaimcho rey David kaykaptin mikuyta kamariparqan.

1 Crónicas 12:40

40 (41) Saynölami Isacar trïbu, Zabulón trïbu y Neftalí trïbu runakunapis say fiestacho mikuyänanpaq apayarqan jarinakunata, hïgus tantakunata, päsaskunata, vïnukunata, aceitita, törukunata, uyshakunata y cabrakunatapis. Say mikuykunatami apayarqan ashnukunawan, camëllukunawan, mulakunawan y törukunawanpis. Davidta mandaqnin rey kananpaq churarmi intëru Israel nacioncho runakuna seqaypa kushikuyarqan.

Proverbios 18:16

Imalanwanpis chaqkunataqa pïmaypis kushishqami chaskikun. Qarayninwanqa munayyuq runamanpis yaykurinmi.

Jeremías 40:10

Noqaqa kay Mizpachömi täshaq Babilonia autoridäkuna shayämuptin qamkunapa favorniki parlanäpaq. Qamkunaqa maychöpis täyashqaykicho üvata, hïgusta, dätilta y olïvupita rurash aceitita wayikikunaman askata shuntayanki>>.

Jeremías 40:12

Sayta mayaykurmi qeshpiyashqan nacionkunapita Judácho kaykaq markankunaman kutiyämurqan. Kutimurmi Gedalíaswan parlayänanpaq Mizpaman aywayarqan. Nirkurnami paykunapis markankunaman kutiykur üvata, hïgusta y dätilta askata shuntayarqan.

Amós 8:1

Saypitanami revelacioncho Tayta Dios rikasimarqan juk canastacho poqush frütakunata.

Miqueas 7:1

¡Kaychi kaylaqa! Cosechash chakraman yaykur üvata y hïgusta ashiq runanömi kaykä. Chakracho imatapis mana tarir mikanaykaq runa lakikushqannömi lakikü.

1 Samuel 10:3

<

1 Samuel 16:20

Saymi Isaíqa surin Davidta Saúl kaqman kacharqan cabrata janchaparkur, vïnu purisikuna qaraman vïnuta winaparkur y tantata ashnuman chaqnaparkur.

1 Samuel 25:18

Sayno wilaptinmi Abigail jukla kamarirqan ishkay pachak (200) tantata, ishkay barril vïnuta, pisqa uysha aysa kankashta, kimsa arröba pulan ankash trïguta, pachak (100) päsas tantata y ishkay pachak (200) hïgus tantata. Saykunata kamarikuskirmi ashnukunaman chaqnakurkur