2 Samuel 15:32 - Tayta Diospa Wilakuynin

³² Olivos lömaman jeqarkurmi Tayta Diosta adorakuyänan kaqman chaykur tinkurqan Husaiwan. Husaiqa Aracpitami karqan. Paypis lakikushpan mödanan rachish y umanman alpata winakushqami charqan.

2 Samuel 15:32 ပူးပေါင်းရင်းမြစ်များ

2 Samuel 1:2

Saypita waraynin junaqnami Saúlpa soldädunkunapita juk soldädu charqan. Paymi guërracho Israel runakuna wanuyashqanpita fiyupa lakikur mödanankunata rachir umanmanpis uchpata winakurqan. Davidpa nawpanman chaykurmi urkunpis pasaman töpashqanyaq qonqurpakuykurqan.

2 Samuel 13:19

Fiyupa lakikushpanmi jatirashqan tünicanta rachir ushashpan umanman uchpata winakurqan. Nirkurmi umanta sarikurkur waqaraykar aywakurqan.

2 Samuel 15:30

Davidnami fiyupa lakikushpan uman shukutashla y qara chakila Olivos lömapa waqaraykar wisarqan. Saynölami paywan aywaqkunapis uman shukutash waqaraykar wisäyarqan.

2 Samuel 16:1

Saypita aywar Olivos lömata David tumarkuptinmi Mefi-bosetpa ashmaynin Siba tariparqan ishkay sillash ashnunkuna qatish. Say ashnukunaman chaqnakurkurmi Davidpaq aparqan ishkay pachak (200) tantakunata, päsaslan atipay pachak (100) tantakunata, pachak (100) frütakunata y vïnu purisikuna qarawan vïnutapis.

2 Samuel 16:15

Absalónnami lapan Israel runakunawan y Ahitofelwanpis Jerusalénman chäyarqan.

2 Samuel 17:5

Sayno kaptinpis Arac ayllu Husaitami Absalón qayasimurqan imata yarpashqantapis tapukunanpaq.

1 Reyes 11:7

Saymi Jerusalén markapa simpan lömacho moabita runakuna adorayashqan melanaypaq Quemos diospaq altarta sharkasirqan. Saynölami altarta sharkasirqan amonita runakuna adorayashqan melanaypaq Moloc diospaqpis.

1 Reyes 4:16

Husaipa surin Baanami gobernador karqan Asercho y Alotcho.

1 Crónicas 27:33

Ahitofelpis rey Davidpa yäsiqninmi karqan. Arac markapita Husaimi rey Davidpa amïgun karqan.

Salmo 3:7

7 (8) Tayta Dios, yanapaykalämay. Conträ runakunapita sapaykalämay. Qaqlancho laqyaykulay. Jusalikur kawaq runakunapa kiruntapis jakapatano takaykulay.

Salmo 50:15

Nakaykuna shamuptin manakayämay. Manakayämaptikiqa yanapäyäshaykimi. Yanapashqäta tantiyakurmi alabayämanki>>.

Salmo 91:15

Manakayämaptinqa awnishaqmi. Lakikuyaptinpis kikïmi paykunawan kaykäshaq. Yanaparmi nakaykunapita jorqushaq.

Lucas 19:29

Olivos lömacho Betfagé y Betania markakunaman chaykarnami ishkay discïpulunkunata kachar

Josué 16:2

Bet-elpita Luzyaq päsarmi arquita runakuna taykäyashqan Atarotyaq chärarqan.

1 Samuel 4:12

Benjamín trïbupita juk runa pelyapita qeshpiykurmi say junaqla Silo markayaq charqan. Paymi fiyupa lakikushpan mödananpis rachish y umanpis alpalana charqan.