2 Samuel 14:25 - Tayta Diospa Wilakuynin

²⁵ Israel nacioncho manami pipis Absalónno kuyaylapaq runa karqansu. Chaki puntanpita uma jirkanyaq kuyaylapaq kaptinmi lapan runakuna selläma kuyayaq.

2 Samuel 14:25 ပူးပေါင်းရင်းမြစ်များ

1 Reyes 1:6

Adoníasqa Absalónpa shulka wawqin kuyaylapaq maqtami karqan. Lutankunata ruraptinpis papänin manami imaypis anyaparqansu.

Job 2:7

Sayno niptinmi Tayta Diospa nawpanpita yarqur Satanás aywakurqan. Nirkurnami chaki puntanpita uma jirkanyaq mansariypaq qarachu qeshyawan Jobta qeshyasirqan.

Proverbios 31:30

Ali chïna kashqanpis manakaqlapaqmi. Kuyaylapaq kashqanpis ushakaqlami. Tayta Diosta mansapakuq warmimi isanqa alabash kanqa.

Isaías 1:6

Chaki puntaykipita uma jirkaykiyaq manami sänu kansu. Intëru cuerpuykipis qerilanami, qoyuy qoyuylami y poqrur jakashlami kaykan. Manami pipis jampishushkankisu ni püchapäshushkankisu. Nanayniki päsananpaq aceitilatapis manami winapäshushkankisu.

Ezequiel 23:15

Say dibujaraq runakunapa seqlankunapis wachkuwan wachkush, umankunapis kuyaylapaq tëlawan watash y Babiloniapita shamuq capitankuna niraqlami kayash.

Daniel 1:4

Say pushayashqan maqtakuna kayarqan sänu, kuyaylapaq, shumaq tantiyakuq, yachasiptin jukla yachakuq y ali yachaq. Saymi paykuna ali kayarqan reypa palaciuncho sirviyänanpaq, Babilonia runakuna qelqayashqankunata estudiayänanpaq y parlayashqan idiömata yachakuyänanpaq.

Mateo 23:27

<<¡Wawalaw, ishkay cära fariseukuna y ley yachasiqkuna! Qamkunaqa janalanpa pintash mïchu niraqmi kaykäyanki. Mïchupa janan kuyaylapaq kaptinpis rurincho tulukuna ismur melanaypaqmi kaykan.

Efesios 5:27

Saymi kikinpa nawpanman pushanqa asikyaypa asikyaykaqta, jusaynaqta, santuta y pay munashqanno kaykäyaqta.

Deuteronomio 28:35

Tayta Diosmi qonqurnikikunachöpis chankaykikunachöpis qeriwan qeshyasiyäshunki. Saynölami qeri ushayäshunki chaki puntaykikunapita uma jirkaykikunayaq. Say qerita imawan jampirpis manami aliyäyankisu.

1 Samuel 16:7

Saymi Tayta Dios nirqan: <>.

1 Samuel 9:2

Cispa surin Saúlmi kuyaylapaq maqta karqan. Payno kuyaylapaqqa Israel runakunacho manami pipis karqansu. Jatun kaptinmi wakin runakuna umrulanman chäyaq.