Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pedro 1:3 - Tayta Diospa Wilakuynin

3 Payta reqiptinsimi munashqanno kawanansipaq Tayta Dios munayninwan tukuynöpa yanapaykämansi. Kuyapäkuq y alilata ruraq karmi sayno kawanansipaq qayamashkansi.

အခန်းကိုကြည့်ပါ။ ကော်ပီ




2 Pedro 1:3
39 ပူးပေါင်းရင်းမြစ်များ  

Guërraman aywanaykipaq wilakasiptiki soldäduykikuna juklami shuntakäyanqa. Jirkakunacho waran waran shulya yurishqannömi qampis waranlan waranlanta maqtano rikakunki.


11 (12) Tayta Diosmi kawayta qomansi y escüduno imaykapitapis sapämansi. Paymi kuyamansi y aliman churamansi. Munashqanno kawaqkunataqa ali kaqkunatami kamaripan.


Ali warmiqa runanta kushikasinmi. Mana ali warmiqa runanpaq kiru nanaymi kaykan.


Arukuq warmitaqa ¿piraq (ras) fácil tarinman? Arukuq warmiqa ima alhäjapitapis masmi välin.


Discïpulunkunaman witiykurmi Jesús nirqan: <


Noqansi rayku wanunanpaq kuyay Surintapis kachaykämurqa ¿manasuraq lapan promitimashqansitapis paywan Tayta Dios cumplinqa?


Say kuyapashqan runakunaqa noqansimi kaykansi. Paymi akramashkansi Israel runa kashqapis y mana Israel runa kashqapis.


Tayta Diosqa promitishqanta imaypis cumplinmi. Paymi Surin Señorninsi Jesucristuwan juklaylano kawayänaykipaq qayayäshushkanki.


Manakuptïmi nimarqan: <>. Sayno nimaptinmi say nakaywan nakar fuerzaynaq karpis kushikü. Fuerzaynaq kaptïraqmi Jesucristo yanapaykäman.


Sayno kaykaptinqa Jesucristupa wilakuyninta wilakushqäpita prësu kashpä qamkunata ruwä Tayta Dios munashqanno imaypis kawayänaykipaqmi. Sayno kawayänaykipaqmi Tayta Dios qayayäshushkanki.


Jesucristuman yärakuq kaqqa lapansimi juk cuerpula kaykansi. Juklaylami Espíritu Santupis. Juk salvacionlata chaskinansipaqmi Tayta Dios qayamashkansi.


Señornï Jesucristuta reqishqämanqa manami imapis tinkunsu. Saymi nawpata rurashqäkunaman yärakunäpa trukan Jesucristumanna yärakü. Nawpata rurashqäkunaqa manami imapaqpis välimansu.


Wawqi panikuna, rasun kaqkunapaq, ali ruraykunapaq y ali kawaypaq imaypis yarpachakuyay. Imapis ali kaptin o alabanansipaq kaptinqa saykunapaqpis yarpachakuyay.


Paywanmi Tayta Dios kamarqan lapan imaykatapis: jana pasacho kaqkunata, kay pasacho kaqkunata, rikakaqkunata, mana rikakaqkunata y jana pasacho lapan poderyuqkunatapis. Lapantapis kamarqan Jesucristuwanmi y paypa makincho kananpaqmi.


Saymi ruwayarqä, shakyäsiyarqä y tantiyasiyarqä Tayta Dios munashqanno kawayänaykipaq. Paymi qayayäshushkanki mandashqancho imayyaqpis paywan kawayänaykipaq.


Manami jusalikur purikunansipaqsu Tayta Dios akramashkansi, saypa trukanqa pay munashqanno kawanansipaqmi.


Salvash kayänaykipaqmi paypa ali wilakuyninta wilapaptï qayayäshushkanki. Saymi Señor Jesucristo chipipiykar kutimur pushakuyäshuptiki qamkunapis paypa nawpancho kushish kawayanki.


Física rurayqa kay pasacho kawashqansiyaqlami ali kaykan. Tayta Dios munashqanno kawaymi isanqa kay pasacho y gloriachöpis ali kawanansipaq kaykan.


Tayta Diosmi salvamashpansi qayamashkansi pay munashqanno santu kanansipaq. Manami imatapis alita rurashqansipitasu salvamashkansi, saypa trukanqa jusayuq kashqapis kuyapämashpansimi salvamashkansi. Sayno kuyapämashkansi kay pasata manaraq kamar Jesucristuman churamashpansimi.


Jesucristumi musyasimansi Tayta Dios imano kashqantapis. Payta reqirqa kikin Tayta Diostapis reqinsimi. Munayyuq palabranwanmi lapan kamashqankunatapis mandan munashqanno kayänanpaq. Jusansipita purificash kanansipaq wanurkurmi gloriaman kutirqan. Kananqa Tayta Diospa trönun aluq kaq nawpanchömi jamaraykan.


Saypa trukanqa akramaqninsi Tayta Dios santu kashqanno qamkunapis santu kayay.


Tayta Diosman yärakuyaptikimi munayninwan yanapaykäyäshunki Jesucristo kutimuptin kamarishqan salvacionta chaskiyänaykipaq.


Sayno nakayänaykipaqmi Tayta Dios qayayäshushkanki. Jesucristo noqansi rayku nakash kaptinmi tantiyakunsi pay nakashqanno noqansipis nakanansipaq kashqanta.


Qamkunami isanqa kaykäyanki Tayta Dios akrashqan runakuna, payta sirviq cürakuna, kuyashqan santa nación runakuna y paypa makincho kaykaq runakuna. Paymi sakäpakushno kawaykäyaptiki aksinman jorquyäshushkanki kuyakuq kashqanta pïmaytapis wilapäyänaykipaq.


Runa mayiki chikiyäshuptikipis ama chikiyankisu. Ashliyäshuptikipis ama ashliyankisu. Bendicionta chaskiyänaykipaq Tayta Dios akrayäshushqaykita musyaykarqa chikiyäshuqnikikunapis bendicionta chaskiyänanpaq Tayta Diosta manakuyanki.


Noqansi rayku Jesucristo wanush kaptinmi kuyapäkuq Tayta Dios qayamashkansi gloriacho imayyaqpis kawanansipaq. Saymi kay pasacho nakashqapis Tayta Dios yanapämäshun mana jusalikunansipaq, pay munashqanno kawanansipaq y payman shumaq yärakunansipaqpis.


Wawqi panikuna, Tayta Dios qayayäshushqaykita y akrayäshushqaykita shumaq tantiyayänaykipaq imaykanöpapis pay munashqanno kawayay. Saynöpami jusalikuyman imaypis ishkiyankisu.


Tayta Diosta y Señorninsi Jesucristuta reqiyaptikimi kuyapäyäshunaykipaq y waran waran ali kawayta qoykuyäläshunaykipaq qamkunapaq manakü.


Sayno kaykaptinqa Tayta Diosman imaypis yärakuyay. Payman yärakur alilata rurayay. Alilata rurar palabranta yachakuyay.


Palabranta yachakur mana ali yarpayta vinciyay. Mana ali yarpayta vincir wanuyashqaykiyaq cäsukuyay. Cäsukur Tayta Dios munashqanno imaypis kawayay.


Waran waran sayno kawayaptikiqa Señorninsi Jesucristuta reqiyashqayki manami manakaqlapaqsu kanqa.


Salvamaqninsi Señor Jesucristuta chaskikush kaykar jusalikuyman yapay churakarqa nawpata kashqanpita peormi say runa rikakun.


Saypa trukanqa waran waran tantiyakuyay kuyapäkuq y salvakuq Señor Jesucristo munashqanno kawayänaykipaq. ¡Pay kananpis y imayyaqpis alabash kaykuläsun! Amén.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ