2 Corintios 7:9 - Tayta Diospa Wilakuynin

⁹ Kananqa seqaypami kushikü. Manami qamkunata lakikasishqäpitasu kushikü, saypa trukanqa tantiyakur Tayta Diosta cäsukuyashqaykipitami. Cartata apasiyämushqä manami manakaqlapaqsu kash, sinöqa Tayta Dios munashqanno lakikuyänaykipaqmi.

2 Corintios 7:9 ပူးပေါင်းရင်းမြစ်များ

Salmo 38:18

18 (19) Saymi mana alikunata rurashqäpita perdonta manakü. Jusalikushqäpita fiyupami penqakü.

Eclesiastés 7:3

Asikushqansipitaqa mas ali kaykan waqashqansimi. Lakikur qaqlansi jukniraqyaptinpis shonqunsichömi shumaq kawanansipaq yarpachakunsi.

Zacarías 12:10

Davidpita miraqkunata y Jerusaléncho taqkunatami tantiyasishaq kuyapäkuq kayänanpaq y imay hörapis manakayämänanpaq. Tuksiyämashqanta rikarmi waqayanqa. Qechpa surin wanuykuptin waqaqnöraqmi makintapis pakipaylaparaq waqayanqa.

Mateo 3:8

Jusaykikunata rasunpaypa wanakush karqa Tayta Dios munashqannöna kawayay.

Lucas 15:10

Saynömi Tayta Diospa angilninkunapis kushikuyan juk runalapis jusalikuykunata wanakur Tayta Dios munashqannöna kawaptin>>.

Lucas 15:32

Imano kaptinpis fiestata kushish rurashun. ¡Kay wawqiki wanushqanpitami kawarimush! ¡Oqrakashqanpitami yurimush!> >>

Lucas 15:7

<

Hechos 20:21

Israel runakunata y mana Israel runakunatapis tantiyasishkä jusankunata wanakur Señorninsi Jesucristuman yärakuyänanpaqmi.

2 Corintios 1:12

Qamkunata ni wakintapis mana lulapaypa y mana engañaypami kawaykäyä. Rasunpaypa sayno kayashqäta mana penqakuypami niyä. Sayno ali kawayänäpaq Tayta Diosmi imachöpis yanapaykäyäman.

2 Corintios 2:16

Mana salvakuqkunapaqqa melanaypaq asyaqnömi kaykan. Salvakuqkunapaqmi isanqa kuyaylapaq mushkuyno kaykan. Sayno kaptinqa ¿piraq kikilanpita Jesucristupa wilakuyninta wilakunman?

2 Corintios 7:8

Apasimushqä cartata liyir lakikuyashqaykita musyarpis manami pësaküsu. Qelqamushqä hörami isanqa pasaypa lakikurqä cartacho nikashqäta liyir lakikuyänaykipaq kashqanta yarpar.