2 Corintios 7:4 - Tayta Diospa Wilakuynin

⁴ Nishqäkunata chaskikuyänaykipaq kashqanta tantiyarmi qamkunaman yärakü. Saymi ima päsamaptinpis lakikunäpa trukan seqaypa kushikü.

2 Corintios 7:4 ပူးပေါင်းရင်းမြစ်များ

2 Corintios 1:4

Ima nakaycho kashqapis shakyäsimansi noqansipis yärakuq mayinsikuna nakayaptin shakyäsinansipaq. Saymi Tayta Dios shakyäsimashqansino wakinkunatapis shakyäsinsi.

2 Corintios 3:12

Sayta musyarmi mana mansariypa wilakuyä.

Santiago 1:2

Kuyay wawqi panikuna, ima nakaycho karpis lapan shonquykiwan kushikuyay.

Colosenses 1:24

Mana Israel runakunata wilapashqäpita nakasiyämaptinmi Jesucristo iglesianpaq nakashqankunata cumplï. Paypa iglesianqa cuerpunmi kaykan. Saymi lakikunäpa trukan kushikü.

Filipenses 2:17

Sayno kaptinmi wanusiyämänan kaptinpis kushikü. Wanusiyämaptinqa sacrificiu jananman vïnuta winayashqannömi kashaq. Tayta Diosta mana ajayaypa sirviyashqaykipis sacrificiuno kaptin qamkunapis kushikuyay.

1 Corintios 1:4

Tayta Diostami qamkunapaq imaypis agradëcikü. Jesucristuwan juklaylano kayaptikimi kuyapäyäshushpayki imaypis yanapaykäyäshunki.

1 Tesalonicenses 2:19

Sapata churapäyämaptinpis qamkunami premiuta chaskishqä corönä kaykäyanki. Saymi Señor Jesucristo kutimuptin paypa nawpancho qamkunapita pasaypa kushikuyäshaq.

1 Tesalonicenses 2:2

Musyayashqaykinöpis qamkuna kaqman manaraq chäyämuptï Filipos markacho ashliyämashpan seqaypami nakasiyämash. Qamkuna kaqchöpis saynölami nakasiyämash. Sayno nakasiyämaptinpis Tayta Diosninsimi yanapäyämash ali wilakuyninta mana mansariypa wilakuyänäpaq.

Filipenses 1:20

Mana mansariypa parlanäpaq imaypis yanapämashqannömi autoridäkunapa nawpanchöpis yanapämanqa. Saymi Jesucristo yanapämashqan musyakanqa kawaykaqta kachariyämaptinpis o wanusiyämaptinpis.

2 Corintios 11:21

Saynöpis nikäyan paykunano mana kashpä munayniynaqla kashqätami. ¡Achyä pë, paykunano mana kar penqaküchir! Paykuna alabakuyashqannölami noqapis alabaküman. Isanqa paykunano alabakur löcunömi parlaykä.

2 Corintios 8:24

Qamkuna kaqman chäyämuptin paykunata shumaq chaskiykuyälay. Saynöpami maysaychöpis wawqi panikuna musyayanqa nishqänöla kuyapäkuq kayashqaykita.

2 Corintios 2:14

¡Tayta Diostami agradëcikü! Paymi Jesucristucho kayaptï imaypis yanapaykäyäman. Saymi wilakuyaptï maysaychöpis runakunata tantiyasin Jesucristuta chaskikur payta reqiyänanpaq.

2 Corintios 1:14

Kanan mana tantiyayämaptikipis Señor Jesucristo kutimuptin noqakuna qamkunapita kushikuyashqänömi qamkunapis noqakunapita kushikuyankipaq.

Romanos 5:3

Saynöpis kushikunsi imano nakarpis payman yärakunansipaq Tayta Dios tantiyasimashqansita musyarmi.

Hechos 5:41

Kachaskiyaptinmi apostolkuna Tayta Diosta kushish alabar niyarqan: <>.

2 Corintios 7:14

Manaraq qamkuna kaqman Tito shamuptinmi payta shakyäsirqä <> nir. Say nishqänölami lapanpis kamakash. Saymi qamkunata imaypis rasun kaqta nishqäno qamkunapaq payta nishqäkunapis rasun kaqla kash.

2 Corintios 10:8

Wilakuqnin kanäpaq Tayta Dios churamaptinmi qamkunata anyapänäpaq munayyuq kaykä. Anyaparpis manami manakaqman churanäpaqsu anyapä, sinöqa qamkunata shakyäsinäpaqmi. Munayyuq kashqäpita aläpa alabakushqäta wakinkuna niyaptinpis manami penqakushaqsu.

Filipenses 1:14

Sayta musyayashpanmi wakin wawqi panikunapis Jesucristuman yärakuyashpan mana mansariypana ali wilakuyta wilakuykäyan.

Filipenses 1:26

Carcilpita yarqur chämuptïmi seqaypa kushikur Jesucristuta alabashun.

2 Tesalonicenses 1:4

Saymi juklä markakunamanpis chaykur wawqi panikunata wilayä runakuna chikir nakasiyäshuptikipis Jesucristuman yärakuykäyashqaykita.

Filemón 1:7

Wawqi Filemón, kuyakuq kashpayki yärakuq mayinsikunata shakyaykäsishqaykita musyarmi noqapis fiyupa kushikü.