3 Qamkunata sayno nikä manami manakaqman churarsu, sinöqa nawpata nishqänöpis qamkunata kuyayämi. Saymi imaypis mana qonqaypa yarparäyäshayki.
Gastükunapaq yanapäyämänaykita mana munaptï capazchir qamkunata manakaqman churayashqäta yarpäyanki. ¡Manami saynösu! ¡Tayta Dios musyanmi qamkunata kuyashqäta!
Saynölami noqapis qamkunata manakunäpa trukanqa imäkunatapis ushashaq y qamkuna rayku wanunäpaqpis listu kaykä. Lapan shonqüwan qamkunata kuyapar yanapaykaptï ¿imanirtaq noqapita jukniraqyash kaykäyanki?
Kay qelqamushqäkunata cäsukuyaptiki qamkuna kaqman chämushpä imatapis mananami niyäshaykinasu. Manami lakikasinäpaqsu apóstol kayman Tayta Dios churamash, saypa trukanqa shakyäsir yanapänäpaqmi.
Saypa trukanqa kikikikunami shonqükunacho qelqaraykaq recomendación cartä kaykäyanki. Say cartataqa pïmaypis liyiyanmi.
Say apasimushqä carta manami conträ sharkuq runata corrigiyänalaykipaqsu ni noqa kushikunaläpaqsu kash, sinöqa tantiyasiyashqäta chaskikur rasunpaypa kuyayämashqaykita [y noqapis qamkunata kuyashqäta] Tayta Diospa rikanancho tantiyayänaykipaqmi.
Qamkunapaq yarpararmi sayno nï. Jesucristupa wilakuyninta wilakur puriptïpis o prësu kaykaptïpis qamkunami yanapäyämashkanki.
Sayno kuyarmi Tayta Diospa wilakuyninta chaskikuyänayki rayku wanuyänäpaqpis listu kayashkä.