2 Corintios 4:2 - Tayta Diospa Wilakuynin

² Noqakuna manami imatapis lutankunata ni penqakuypaq kaqkunata rurayäsu. Manami pitapis engañaykäyäsu ni Tayta Diospa wilakuyninman ituykasilar kikïkunapa yarpaynïkunata yapayäsu. Saypa trukanqa wilakuyninta pïmaypis musyayänanpaqmi Tayta Dios munashqanno kawayä.

2 Corintios 4:2 ပူးပေါင်းရင်းမြစ်များ

2 Corintios 2:17

Wakinkunaqa imatapis chaskiyänan kashlami Diospa wilakuyninta wilakuykäyan. Noqakuna manami paykunanösu kayä, sinöqa Tayta Dios kachayämash kaptin y noqakunawan pay kaykashqanta musyarmi Jesucristupa jutincho lapan shonqükunawan wilakuyä.

2 Corintios 5:11

Señor Jesucristo juzgamänansipaq kashqanta musyarmi payta mansapakur wilakuyninta imaykanöpapis wilakuykäyä. Rasunpaypa payta sirviykäyashqäta Tayta Dios musyanmi. Saytaqa qamkunapis tantiyayankimanmi.

1 Corintios 4:5

Sayno kaykaptinqa manaraqpis hörancho pitapis ama juzgayaysu. Señor Jesucristo kutimurnami pakaylapa rurashqansikunata y shonqulansicho yarpashqansitapis juzgamäshun. Say höraraqmi ali o mana ali sirviqnin kashqansitapis nimäshun.

2 Corintios 11:3

Isanqa lakikü Evata Satanás engañashqanno qamkunatapis lutan yachasikuqkuna engañayäshunaykipaq kaqtami. Majasakänanpaq parlakushqan maqtalapaq jipash kashqannömi qamkunapis Jesucristulapaq kaykäyanki.

Efesios 5:12

Paykuna pakaylapa jusalikuyashqan pasaypa penqakuypaqmi kaykan. Saykunataqa ama parlaylapis parlayaysu.

2 Corintios 7:14

Manaraq qamkuna kaqman Tito shamuptinmi payta shakyäsirqä <> nir. Say nishqänölami lapanpis kamakash. Saymi qamkunata imaypis rasun kaqta nishqäno qamkunapaq payta nishqäkunapis rasun kaqla kash.

Romanos 1:16

Noqa manami penqaküsu Tayta Diospa ali wilakuyninta wilakur. Say wilakuyqa Tayta Diospa poderninmi kaykan lapan chaskikuqkunata salvananpaq. Puntataqa Israel runakunatami musyasirqan y saypitanami mana Israel runakunatapis musyasirqan.

Efesios 4:14

Sayno kawar manami pishi wamranönasu kashun pipis manakaqkunata yachasir lutankunata criyisimänansipaq. Saynöpis manami punshata wayra wakman kayman apashqannönasu kashun.

2 Corintios 11:6

Runakunapa nawpancho shumaq parlayta mana yacharpis musyämi imapita parlashqätapis. Sayno karmi Tayta Diospa wilakuyninta tukuynöpa qamkunata wilapashkä.

2 Corintios 1:12

Qamkunata ni wakintapis mana lulapaypa y mana engañaypami kawaykäyä. Rasunpaypa sayno kayashqäta mana penqakuypami niyä. Sayno ali kawayänäpaq Tayta Diosmi imachöpis yanapaykäyäman.

Romanos 6:21

Tayta Diosta mana cäsukur ¿ima alitataq jorquyashkanki? Tantiyakuriyaptikiqa say lutan rurayashqaykikuna lapanpis penqakuypaqmi kaykan. Sayno kawayashqaykipitami wanuyanki.

2 Corintios 6:8

Wakin runakunami ali rikayäman y wakinnami mana ali rikayäman. Saynöpis wakinmi favornï parlayan y wakinnami conträ rimayan. Rasun kaqlata parlayaptïpis lulakuyashqätami yarpäyan.

1 Reyes 18:34

Nirkurmi nirqan: <>. Nishqanno winayaptinmi <> nirqan. Yapay winayaptinmi <> nirqan. Sayno niptinmi yakuta yapay winayarqan.