2 Corintios 2:3 - Tayta Diospa Wilakuynin

³ Saymi shamunäpa trukan cartalata cartakamushkä. Manami munashkäsu shamuptï lakikasiyämänaykita, saypa trukanqa lapansipis kushikunansitami munashkä. Musyarqämi qamkuna kushikuyaptiki noqakunapis kushikuyänäpaq kashqanta.

2 Corintios 2:3 ပူးပေါင်းရင်းမြစ်များ

1 Corintios 4:21

¿Imano chämunätataq munayanki? ¿Rabyash chämunätaku o kushish chämunätaku?

2 Corintios 1:15

Shumaq tantiyayämänaykipaq kashqanta yarparmi Macedonia provinciapa shamur qamkuna kaqman puntata chämuyta yarpäyarqä. Yarpäyashqäno kamakaptinqa qamkuna kaqman ishkay kutinami chäyämüman karqan.

2 Corintios 1:23

Wawqi panikuna, Tayta Diospa jutinchömi rasun kaqta nï: Shamuyta yarparpis qamkunawan jaqayäsinakuyta mana munarmi shamushkäraqsu.

2 Corintios 12:11

Löcuno alabakur parlanäpaqqa kikikikunami ashipäyämashkanki. Alabakunäpa trukanqa qamkunami alabayämankiman karqan. Kikiläpita imatapis rurayta mana kamäpakurpis say apóstol tukuqkunapitaqa mas aliraqmi kä.

2 Corintios 12:21

Capazchir melanaypaq kaqkunata, fornicación jusata y chïnäkur waynäkur puriykäyashqaykita kachariyashkankisu. Jusalikuykaqta tarir qamkunapita Tayta Diospa nawpancho penqakunäpaq kaqpitami lakikü.

2 Corintios 13:10

Kay qelqamushqäkunata cäsukuyaptiki qamkuna kaqman chämushpä imatapis mananami niyäshaykinasu. Manami lakikasinäpaqsu apóstol kayman Tayta Dios churamash, saypa trukanqa shakyäsir yanapänäpaqmi.

2 Corintios 2:9

Say cartata qamkunaman cartakamurqä say runata corrigiyänaykipaqmi. Saynöpami musyayta munarqä cäsukayämashqaykita o mana cäsukayämashqaykitapis.

2 Corintios 7:12

Say apasimushqä carta manami conträ sharkuq runata corrigiyänalaykipaqsu ni noqa kushikunaläpaqsu kash, sinöqa tantiyasiyashqäta chaskikur rasunpaypa kuyayämashqaykita [y noqapis qamkunata kuyashqäta] Tayta Diospa rikanancho tantiyayänaykipaqmi.

2 Corintios 7:16

Saynölami yärakuypaqna kayashqaykipita noqapis kushikü.

2 Corintios 7:6

Sayno kaykäyaptïmi Tito chämuptin lakish kaykaqkunata shakyäsiq Tayta Dios shakyäsiyämash.

2 Corintios 7:8

Apasimushqä cartata liyir lakikuyashqaykita musyarpis manami pësaküsu. Qelqamushqä hörami isanqa pasaypa lakikurqä cartacho nikashqäta liyir lakikuyänaykipaq kashqanta yarpar.

2 Corintios 8:22

Tituwanmi mas juk wawqitapis kachaykämü. Paypis Tayta Dios munashqanno kawaq wawqimi. Ali chaskiyänaykipaq kashqanta musyarmi paypis yanapäyäshunaykipaq kushish shamuykan.

Gálatas 5:10

Tayta Diostami manakuykä lutan yachasikuqkunata manana chaskipäyänaykipaq. Say runakunataqa pï kaptinpis Tayta Diosmi juzganqa.

2 Tesalonicenses 3:4

Tayta Dios sayno yanapäyäshuptikimi musyayä yachasiyashqäta imaypis cäsukuyänaykipaq kashqanta.

Filemón 1:21

Imatapis nishqäno ruranaykipaq kashqanta musyarmi kay cartata cartakamü. Nishqäpita mastaraq ruranaykipaq kashqantapis musyämi.