2 Corintios 13:9 - Tayta Diospa Wilakuynin

⁹ Saymi Tayta Diosta manakuykäyä lapanchöpis pay munashqanno kawayänaykipaq. Pay munashqanno kawayaptikiqa munayniynaq kayashqäta runakuna yarpäyaptinpis kushikuyämi.

2 Corintios 13:9 ပူးပေါင်းရင်းမြစ်များ

Romanos 15:2

imatapis rurashun yärakuq mayinsi Tayta Dios munashqanno kawayänanpaq.

1 Corintios 1:10

Wawqi panikuna, Señor Jesucristupa jutinchömi qamkunata ruwä mana chikinakuypa juk shonqula y say yarpayla kawayänaykipaq.

1 Corintios 2:3

Qamkunaman chämur mana tantiyasinäpaq kashqanta yarparmi fiyupa lakikurqä.

1 Corintios 4:10

Qamkunaqa Jesucristuta sirvir aläpa yachaq y tantiyaq kayashqaykitami nikäyanki. Noqakunatami isanqa Jesucristuta sirviyaptï upatano rikayäman. Qamkunaqa puëdiq kayashqaykitami nikäyanki. Noqakunatami isanqa imatapis rurayta mana puëdiqtano rikayäman. Qamkunataqa alimi rikayäshunki. Noqakunatami isanqa mana väliq runakunatano rikayäman.

2 Corintios 11:30

Alabakunäta munayaptikiqa munayniynaq kashqäpitami alabakushaq.

2 Corintios 13:11

Wawqi panikuna, imaypis kushikuyay. Tayta Dios munashqanno kawayänaykipaq jukniki juknikipis shakyäsinakuyay. Mana chikinakuypa juk shonqula kawayay. Sayno kawayaptikimi kuyapäkuq y ali kawayta qomaqninsi Tayta Dios imaypis yanapäyäshunki.

2 Corintios 13:4

Munayniynaq runano cruzcho wanuptinpis Tayta Diosmi munayninwan payta kawarisimush. Saynölami noqakunapis Jesucristuman yärakur kikiläkunapitaqa munayniynaq kaykarpis Tayta Diospa munayninwan qamkunata corrigiyäshayki.

2 Corintios 4:12

Saymi wanuy tumapäyämaptinpis mana ushakaq kawayta tariyänayki rayku wilakuykäyä.

2 Corintios 7:1

Kuyay wawqi panikuna, Tayta Dios sayno nikämashqaqa lapan jusansikunata kacharishun. Jusalikurqa cuerpunsitapis espïritunsitapis qanratansimi. Sayno kaykaptinqa Tayta Diosta mansapakur pay munashqanno imaypis kawashun.

Colosenses 1:28

Saymi Tayta Dios yachayta qoyämashqan tupu Jesucristupa wilakuyninta lapan runakunata wilapar shumaq tantiyasiyä. Sayno wilakuyä Jesucristuta pïmaypis chaskikur Tayta Diospa nawpanman jusaynaqna chäyänanpaqmi.

Colosenses 4:12

Jesucristupa sirviqnin marka mayiki Epafraspis salüduntami apasikamun. Paymi lapan shonqunwan qamkunapaq imaypis manakuykan Tayta Dios munashqanno ali kawayänaykipaq.

1 Tesalonicenses 3:10

Saymi paqaspa junaqpa lapan shonqükunawan payta manakuykäyä qamkunaman kutiyämunäpaq. Chämurnami masta yachasiyäshayki Tayta Dios munashqanno kawayänaykipaq.

2 Timoteo 3:17

Tayta Diospa palabranta yachakurmi Tayta Diosman yärakuqkuna imaypis kamarikush kaykäyanqa ali kaqkunata rurayänanpaq.

Hebreos 12:23

Tayta Diosman lapan yärakuqkunawan shuntakashnömi kaykäyanki. Qechpa wamra herenciata chaskiqno kayaptikimi jutikikunapis jana pasacho qelqaraykan. Saynöpis pïmayta juzgaq Tayta Diospa nawpanman y jana pasacho kaykaq lapan salvashkunapa nawpanman chashnönami kaykäyanki.

Hebreos 13:21

Jesucristupa jutinchömi payta manakuyä imaypis yanapaykuyäshunaykipaq. Munashqanta rurayänaykipaq imayka ali kaqkunata kamaripaykuyäläshunki. Payqa imayyaqpis alabash kaykuläsun. [Amén.]

Hebreos 6:1

Jesucristupita yachakurqa ama qalaykunan kaq yachasikuykunalataqa yachakushunsu, sinöqa qalaykunanpita ushananyaq shumaq yachakushun. Saynöpami wamranöla kanansipa trukan poqukash runanöna kashun. Manami yaparir yaparir yachakushwansu Jesucristuta chaskikur jusalikuykunata wanakunansipaq kashlanta, Tayta Diosman yärakunansipaq kashlanta,

1 Pedro 5:10

Noqansi rayku Jesucristo wanush kaptinmi kuyapäkuq Tayta Dios qayamashkansi gloriacho imayyaqpis kawanansipaq. Saymi kay pasacho nakashqapis Tayta Dios yanapämäshun mana jusalikunansipaq, pay munashqanno kawanansipaq y payman shumaq yärakunansipaqpis.