2 Corintios 10:3 - Tayta Diospa Wilakuynin

³ Runala karpis manami runakunanösu guërrata rurayä.

2 Corintios 10:3 ပူးပေါင်းရင်းမြစ်များ

Romanos 7:5

Nawpataqa jusalikuypa munaynincho kawashqami Tayta Diospa leyninkuna yarpayta qomarqansi mas jusalikunansipaq. Sayno jusalikurmi wanush japuy karqansi.

Romanos 8:13

Jusalikuylacho kawashqaqa infiernumanmi Tayta Dios qaykamäshun. Espíritu Santu tantiyasimashqansino jusalikuypaq wanushno karmi isanqa mana ushakaq kawayta tarishun.

Romanos 8:4

Salvamashpansimi leyninkunata cumpliqtanöna Tayta Dios chaskimansi. Saymi jusalikur kawanansipa trukanqa Espíritu Santu tantiyasimashqansinöna kawaykansi.

2 Corintios 1:17

Chäyämunäpaq yarpash kayaptïpis manami yarpäyashqänösu kamakash. Wilakasimushqäno mana shayämushqäpita ¿imanirtaq wakinniki nikäyanki shumaq mana yarpachakuypa wilakasimushqäta? ¿Imanirtaq yarpäyanki awniparkurpis mana shayämunäpaq kashqanta?

2 Corintios 10:4

Noqakunapa armäkunaqa manami runakuna manijayashqan armakunasu kaykäyan, saypa trukanqa Tayta Dios kamaripäyämashqan armakunami. Say armakunawanmi contrankunata ushakäsiq soldäduno kaykä.

Gálatas 2:20

Noqaqa Jesucristuwan cruzcho wanushnömi kaykä. Manami noqanasu kawä, saypa trukanqa Jesucristumi noqacho kawan. Saymi Tayta Diospa Surinman yärakur kawaykä. Paymi kuyamashpansi noqansi rayku wanurqan.

1 Timoteo 1:18

Kuyay Timoteo, Tayta Diospa jutincho wawqikuna niyäshushlaykitami noqapis qamta yäsï: Ali soldädu mana mansariypa pelyashqanno qampis mana mansariypa Jesucristupa wilakuyninta wilakuy.

2 Timoteo 4:7

Ali soldädunömi lapanta cumplishkä. Yalinakuqnömi chänäpaq kaqman chashkä. Yärakushqänölami mana kachaypa imaypis yärakushkä.

Hebreos 12:1

Say unay runakunami yupaytapis mana atipaypaq jiruruparaykämansi. Sayno kaykaptinqa cörriq runa qepinta kachaykuqno lapan jusalikushqansita kacharishun. Yalinakuqkuna chäyänanpaq kaqman cörriyashqanno noqansipis Tayta Dios munashqanno wanushqansiyaq kawashun.