1 Samuel 9:1 - Tayta Diospa Wilakuynin

¹ Benjamín trïbupitami respitash runa karqan Cis jutiyuq. Cispa taytanmi karqan Abiel. Abielpa taytanmi karqan Zeror. Zerorpa taytanmi karqan Becorat. Becoratpa taytannami karqan Afía.

1 Samuel 9:1 ပူးပေါင်းရင်းမြစ်များ

2 Samuel 19:32

32 (33) Say runa karqan puwaq chunka (80) watayuqmi. Paymi rïcu kashpan Mahanaimcho rey David kaykaptin mikuyta kamariparqan.

Ester 2:5

Susa markachömi Israel runa Jairpa surin Mardoqueo tarqan. Jairpa taytanmi karqan Simei. Simeipa taytanmi karqan Cis. Paykunaqa Benjamín trïbu runakunami kayarqan.

Job 1:3

Saynölami karqan qanchis waranqa (7,000) uyshankuna, kimsa waranqa (3,000) camëllunkuna, pisqa pachak (500) yuntankuna, pisqa pachak (500) ashnunkuna y askaq ashmayninkunapis. Tashqan kaqchöqa lapanpitapis mas rïcu y respitashqami karqan.

Hechos 13:21

Saypitanashi mandaqnin rey kananta runakuna manakuyaptin Benjamín trïbu Cispa surin Saúlta churapänaq. Payshi chusku chunka (40) wata rey kanaq.

1 Samuel 10:23

Sayno wilaptinmi cörrila aywar pakaraykaqta jorqaskamur lapan runakunapa chawpinman pushayarqan. Saúl mas jatun kaptinmi runakuna umrulanman chäyaq.

1 Samuel 14:51

Saúlpa taytan Cis y Abnerpa taytan Nerqa Abielpa surinkunami kayarqan.

1 Samuel 25:2

Maón partichömi tarqan Nabal jutiyuq rïcu runa. Paypami karqan kimsa waranqa (3,000) uyshankuna y juk waranqa (1,000) cabrankuna. Paymi Carmel marka lädun majädancho milwata rutuykäsirqan.