1 Samuel 6:12 - Tayta Diospa Wilakuynin

¹² Sayno rurarkur qarquyaptinmi wawankunapaq waqaraykar maypapis mana yaqaykachaypa wäkakunaqa carrëtata qarachash aywayarqan Bet-semesman aywaq nänipa. Filisteo markakunapa mandaqnin reykunanami karu qepalanta qatipäyarqan Bet-semespa lindërunyaq.

1 Samuel 6:12 ပူးပေါင်းရင်းမြစ်များ

1 Reyes 4:9

Ben-decarmi gobernador karqan Macazcho, Saalbimcho, Bet-semescho, Elóncho y Bet-hanáncho.

Éxodo 8:15

15 (11) Rasakkuna ushakaskiyashqanta rikarmi Faraón yapay shonqunta chukruyäsirqan. Saymi Moiséstawan Aarónta cäsuparqannasu. Sayno karqan Tayta Dios nishqannölami.

Números 20:19

Niptinmi Israel runakuna yapay niyarqan: <>.

Josué 15:10

Baalapita päsarmi inti jeqanan kaqläpa tumararqan Seir jalqakunapa. Saypitami Jearim jalqakuna norti kaqlächo kaykaq Quesalónpa päsar uraypana aywararqan Bet-semespa Timnaman chashqanyaq.

1 Samuel 6:11

Nirkurnami Tayta Diospa babulninta carrëtaman churayarqan. Saynöpis qoripita rurashqan chupu niraqta y ukush niraqta cajonman winarkur carrëtaman watapäyarqan.

1 Samuel 6:13

Bet-semes runakunami pampacho trïguta achuykäyashqancho rikachakur rikaskiyarqan Tayta Diospa babulninta wäkakuna qarachash yaykaykäsiqta. Sayta rikarmi seqaypa kushikuyarqan.

1 Samuel 6:9

Wäkakuna aywakuyaptin karu qepalanta qatipäyanki maypa aywayashqantapis rikayänaykipaq. Israel nacioncho Bet-semesman aywaq nänipa apayaptinmi musyashun Israel runakunapa Diosnin castigaykämashqansita. Juk nänipa aywaptinmi isanqa musyashun pay mana castigaykämashqansita, sinöqa lapanpis päsananpaq kaqkunala kashqanta>>.