1 Samuel 5:2 - Tayta Diospa Wilakuynin

² Saychömi Dagón jutiyuq diosninpa templunman yaykasir Dagón ïdulupa nawpanman churayarqan.

1 Samuel 5:2 ပူးပေါင်းရင်းမြစ်များ

1 Crónicas 10:10

Saúlpa espädanta y pelyananpaq kaq mödanantanami churayarqan diosninkunapa templunman y umantanami warkuyarqan Dagón diosninpa templunman.

1 Crónicas 10:8

Saúl wanushqanpita waraynin junaqnami wanushkunapa imaykantapis apakuyänanpaq filisteo runakuna aywayarqan. Saychömi Saúlta y surinkunata Gilboa jirkacho wanush jitaraykaqta tariyarqan.

Daniel 5:2

Shinkakurkurmi rey Belsasar ordenarqan papänin Nabucodonosor Jerusalén templupita apamushqan qori y qellay väsukunata apayämunanpaq. Saykunata apasimurqan mandäsiqninkunawan, warminkunawan y concubïnankunawan upyayänanpaqmi. Ordenashqanno apayämuptinmi say väsukunawan upyayarqan.

Daniel 5:23

Jana pasacho kaykaq Tayta Diosta rabyanäsirmi templuncho manijashqan väsukunata apaykasimur vïnuta upyayashkanki kikikipis, mandäsishuqnikikunapis, warmikikunapis y concubïnaykikunapis. Nirkurmi alabashkanki qoripita, qellaypita, broncipita, fiërrupita, qerupita y rumipita rurash dioskunata. Say dioskunaqa manami rikayansu ni wiyayansu ni imatapis musyayansu. Munayyuq Tayta Diostami isanqa alabashkankisu. Payta rabyanäsishkanki paypitaraq lapantapis chaskiykarmi. Paymi rey kanaykipaqpis churashushkanki.

Habacuc 1:11

Shukukuy imatapis ushakäsishqannömi pïmaytapis ushakäsiyan. Tayta Diosman yärakuyänanpa trukan kikinkunapa kalpanmanmi atiënikuyan>>.

Habacuc 1:16

Mikunanpaq pusuy pusuy kaptin pescaq runa redninkunata y anzuëlunta adorar sacrificiukunata rupasishqannömi armankunata adorayan y kalpayuq kayashqanpita gäla tukuyan.

Jueces 16:23

Saypitanami filisteo runakunapa mandaqninkuna shuntakäyashpan diosnin Dagónpaq sacrificiukunata rupasiyarqan. Saycho kushikurmi say mandaqkuna niyarqan: <<¡Contransi Sansóntami diosninsi Dagón munayninsiman churamush!>>