1 Samuel 5:10 - Tayta Diospa Wilakuynin

¹⁰ Saymi Tayta Diospa babulninta apayarqan Ecrón markamanna. Chaykasiyaptinmi saycho taq runakuna pasaypa mansarir niyarqan: <<¡Kaychi kaylaqa! ¿Imapaqraq Israel runakunapa Diosninpa babulninta apapämashkansi? ¡Kananqa lapansitachir ushakäsimäshun!>>

1 Samuel 5:10 ပူးပေါင်းရင်းမြစ်များ

2 Samuel 7:9

Saymi maypa aywaptikipis qamta yanapar contraykikunatapis lapanta ushakäsishkä. Saynölami yanapäshayki kay pasacho mas munayyuq runakunano qampis kanaykipaq.

2 Reyes 1:2

Juk junaqmi Acabpa surin rey Ocozías Samaria markacho kaq palaciunpa ishkay kaq pïsuncho kaykashqancho ventänapita jeqakurpurqan. Saymi pasaypa ansa kar aliyänanpaq kashqanta o mana aliyänanpaq kashqantapis musyayta munar Ecrón markaman kachakurqan Baal-zebub diosta tapukayämunanpaq.

1 Crónicas 7:21

Tahatpa surinmi karqan Zabad. Zabadpa surinmi karqan Sutela. Efraínpa surinkuna Ezerta y Eladtami Gat markacho taq runakuna wanusiyarqan uywankunata suwakuq aywaqta.

Amós 1:8

Asdod markacho y Ascalón markacho reykunatapis ushakäsishaqmi. Mana kuyapaypami Ecrón markacho taq runakunatapis ushakäsishaq. Saynöpami filisteo runakuna lapanpis wanuyanqa>>. Tayta Diosmi sayno nin.

Amós 6:2

Calne markaman aywar paykunata ima päsashqantapis tantiyakuyay. Hamat markamanpis aywar paykunata ima päsashqantapis tantiyakuyay. Rikayay Filistea nacioncho kaykaq Gat markata ima päsashqantapis. Say markakunacho taq runakunapita ¿mas ali pelyaq kayashqaykitaku yarpaykäyanki? Markaykikunapis say markakunapita ¿mas jatun y mas aska runakuna kashqantaku yarpaykäyanki?

Josué 13:3

Say qechuypaq kaq partikuna kaykan Sihor mayupita cananeo runakuna täyashqan Ecrónpa lindërunyaqmi. Sihor mayu Egiptupa lindërunpami päsaykan. Saynöpis kaykanraqmi filisteo runakunapa pisqa mandaqnin täyashqan markakuna. Say markakuna kaykäyan Gaza, Asdod, Ascalón, Gat y Ecrón. Saynöpis manaraqmi qechushkankiraqsu aveo runakuna täyashqan partikunata.

Josué 15:11

Saypitami Ecrón marka norti kaqlä lömapa chaykur tumararqan Sicrónpa y Baala jalqakunapa. Saypita Jabneelpa päsar Mediterráneo Lamarmanmi tinkurqan.

Josué 15:45

Judá trïbu runakunaqa caseriunkunatawanmi Ecrón markatapis chaskiyarqan.

Jueces 1:18

Saynölami Gazacho, Ascalóncho y Ecróncho taq runakunata vinciykur chakrankunatapis qechuyarqan.

1 Samuel 17:52

Saymi Israel y Judá soldädukuna qaparäyashpan qati qatiykur wanusiyarqan Gat y Ecrón markakunayaq. Saymi Saaraimpita hasta Gatwan Ecrón markakunayaq aywaq nänikunacho filisteo soldädukunapa ayankuna jitaräyarqan.

1 Samuel 5:11

Say markachöpis Tayta Dios castigaptinmi runakuna fiyupa mansariyarqan. Saymi Ecrón runakuna filisteo autoridäkunata qayaykasir niyarqan: <>.

1 Samuel 5:9

Sayman apayaptinmi saychöpis runakunata Tayta Dios castigarqan mansariypaq chupu qeshyawan. Say qeshyami usharqan wamrakunapita qalaykur hasta awkinkunayaq.

1 Samuel 6:1

Filisteo runakuna nacionnincho qanchis killami Tayta Diospa babulninta sararäyarqan.