1 Samuel 31:9 - Tayta Diospa Wilakuynin

⁹ Saymi Saúlpa umanta roquskir espädanta y pelyananpaq kaq mödananta apayarqan. Nirkurmi intëru markakunaman y diosninkunapa templunman wilakuqkunata kachayarqan Saúl wanushqanta wilakuyänanpaq.

1 Samuel 31:9 ပူးပေါင်းရင်းမြစ်များ

2 Samuel 1:20

Wanuyashqantaqa Gat markacho ama wilakuyäsunsu. Ascalón markapa cällinkunachöpis ama parlakuyäsunsu. Sayta musyaykurqa filisteo warmikuna kushikuyanqami. Diosman mana yärakuq runakunapis fiestatachir rurayanqa.

1 Samuel 17:51

Tuniskiptinnami Davidqa jukla akataykur Goliatpa espädanta jorqurishpan say espädawan päsarpasirqan. Nirkurnami kunkanta roqur umanta jorqurirqan. Alinnin kaq soldädunta wanusishqanta rikaykurmi filisteo soldädukuna qeshpir aywakuyarqan.

1 Samuel 17:54

Davidnami Goliatpa armankunata churaykurqan kikinpa toldun rurinman. Goliatpa umantami isanqa Jerusalénman aparqan.

1 Samuel 31:4

armanta apäsiq soldäduta Saúl nirqan: <>. Sayno niptinpis yanapaqnin soldädu pasaypa mansarishpanmi wanusiyta munarqansu. Mana munaptinmi espädanta pasaman tuknakuykur puntanman Saúl jitakar kikin tuksikurqan.

1 Samuel 31:8

Saúl wanushqanpita waraynin junaqnami wanushkunapa imaykantapis apakuyänanpaq filisteo runakuna aywayarqan. Saychömi Saúlta y kimsa surinkunata Gilboa jirkacho wanush jitaraykaqta tariyarqan.