1 Samuel 30:5 - Tayta Diospa Wilakuynin

⁵ Saynölami Davidpa ishkan warminkunatapis amalecita runakuna prësu apakuyash kash. Jukaq warminmi karqan Jezreel markapita kaq Ahinoam y jukaqnami karqan Carmelpita kaq Abigail. Abigailqa Nabalpa viüdanmi karqan.

1 Samuel 30:5 ပူးပေါင်းရင်းမြစ်များ

2 Samuel 2:2

Sayno niptinmi David aywarqan ishkan warminta pushakurkur. Jukaq warminpa jutinmi karqan Ahinoam. Pay karqan Jezreel markapitami. Jukaq warminpa jutinnami karqan Abigail. Payqa Carmelcho taq Nabalpa viüdanmi karqan.

1 Samuel 1:2

Payqa karqan ishkay warmiyuqmi. Jukaq warminpa jutinmi karqan Ana y jukaqpana karqan Penina. Peninapa wawankuna kaptinpis Anapa manami wawan karqansu.

1 Samuel 27:3

Gat markachömi Davidpa yanapaqninkuna warminwan y surinkunawan täyarqan. Saychömi Davidpis ishkan warminkunawan tarqan. Jukaq warminpa jutinmi karqan Ahinoam. Pay karqan Jezreel markapitami. Jukaq warminpa jutinmi karqan Abigail. Pay karqan Carmel markapita Nabalpa viüdanmi.