1 Samuel 30:17 - Tayta Diospa Wilakuynin

¹⁷ Sayno kaykaqta tariykurmi Davidqa yanapaqninkunawan say runakunata qoyayninpa waraynin tardiyaq wanusiyarqan. Chusku pachak (400) maqtakunalami camëllunkunata loqakurkur qeshpiyarqan.

1 Samuel 30:17 ပူးပေါင်းရင်းမြစ်များ

2 Samuel 1:1

Saúl wanushqan wisan amalecita runakunata vinciykurmi Siclagman David kutishpan ishkay junaq saycho qoyarqan.

2 Samuel 8:12

Say shuntashqankuna karqan edomita runakunapita, moabita runakunapita, amonita runakunapita, filisteo runakunapita, amalecita runakunapita y Soba nacionpa mandaqnin rey Hadad-ezerpitami.

2 Reyes 7:5

Sayno wilanakuskirmi pasa sakarpuptin Siria soldädukunapa campamentunman aywayarqan. Sayman chäyänanpaq manami pipis kanaqsu.

1 Crónicas 4:43

Sayman chaykurmi wanuypita qeshpiq amalecita runakunata saycho ushakäsiyarqan. Sayno wanurkasirmi paykuna kananyaqpis saycho taykäyan.

Salmo 18:42

42 (43) Polvuta wayra apar elaqäsishqannömi paykunataqa elaqäsishkä. Mituta cällicho lanquypa lanqushqansinömi paykunataqa ushashkä.

Jeremías 41:15

Ismaelnami puwaq yanapaqninkunalawan qeshpir Amón nacionman aywakuykarqan.

Jueces 4:16

Say junaqmi Baracqa Sísarapa soldädunkunata y carrëta manijaqkunatapis espädawan lapanta wanusiyarqan Haroset-goimyaq.

Jueces 7:12

Campamentunchömi madianita runakuna, amalecita runakuna y inti jeqamunan kaqläpita shamuq wakin runakunapis pitishnöraq saysika shuntaraykäyarqan. Saynölami camëllunkunapis yupayta mana atipaypaq kaykäyarqan.

1 Samuel 11:11

Saymi waraynin junaq soldädunkunata Saúl rakirqan kimsa puntaman. Pasa manaraq waraptinmi say kimsa punta soldädukuna amonita runakunaman elaqpita yaykuykur wanusiyarqan pulan junaqyaq. Mana wanusiyashqan kaq amonita runakunanami wakpa kaypa mashiypa mashir qeshpiyarqan.

1 Samuel 15:3

Kananqa soldädukunata pushakurkur aywayay amalecita runakunata asulayänaykipaq. Mana kuyapaypa wanusiyanki runakunata, warmikunata, wamrakunata y itikunatapis. Saynöla wanusiyanki wäkankunata, uyshankunata, cabrankunata, camëllunkunata y ashnunkunatapis> >>.