1 Samuel 30:10 - Tayta Diospa Wilakuynin

¹⁰ Pasaypa utikash kayashpan say mayuta simpayta mana kamäpakurmi ishkay pachak (200) runakuna saycho quëdakuyarqan. Chusku pachak (400) runakunanami isanqa amalecita runakunata qatipar Davidwan aywayarqan.

1 Samuel 30:10 ပူးပေါင်းရင်းမြစ်များ

Isaías 40:30

Maqtakunapis maqta kaykar utikäyanmi. Ali chölun kaqkunapis aywapakar tuniyanmi.

1 Samuel 14:20

Saymi jinan höra soldädunkunata pushakurkur Saúl aywarqan filisteo runakunata atacaq. Chäyänanpaqmi filisteo runakuna kikinpura pantanakuyashpan wanusinakuykäyänaq.

1 Samuel 14:31

Mikanaywan kalpaynaq kaykarpis filisteo runakunata Israel runakuna Micmaspita Ajalónyaqmi wanusir ushayarqan.

1 Samuel 30:11

Aywaykäyashqanchömi tariyarqan Egiptupita juk runa aywapakash jitaraykaqta. Say runata David kaqman apaykurmi tantatawan yakuta qarayarqan.

1 Samuel 30:21

Besor raqraman chaykuyaptinmi saycho quëdaq ishkay pachak (200) runakuna yarqur taripäyarqan Davidta y paywan aywaykaq runakunata. Say runakunaqa pasaypa utikash karmi amalecita runakunata qatipayta mana kamäpakur Besor raqracho quëdakuyarqan. Paykunawan tinkurmi David kushikur winchikurqan.

1 Samuel 30:9

Sayno niptinmi Davidqa soqta pachak (600) yanapaqnin runakunata pushakurkur Besor raqraman chäyarqan.