1 Samuel 25:10 - Tayta Diospa Wilakuynin

¹⁰ Saynami Nabal nirqan: <<¿Pitaq say Davidqa? ¿Pitaq Isaípa surinqa? Payqa patronninpita qeshpiykurmi sayno puriykan. Kanan wisan ashmaykunaqa askaqmi sayno puriyan.

1 Samuel 25:10 ပူးပေါင်းရင်းမြစ်များ

2 Samuel 20:1

Saychömi kaykarqan Bicripa surin Seba. Sebaqa Benjamín trïbupita yaqa runami karqan. Paymi cornëtata tukashpan Davidpa contran sharkur nirqan: <<¡Israel runakuna, wayinsikunapa kutikushun! ¡Davidqa manami mandamaqninsi rey kanmansu! ¡Isaípa surin Davidpitaqa manami imatapis chaskishunsu!>>

1 Reyes 12:16

Ruwakuyashqanta Roboam mana awniptinmi Israel runakuna niyarqan: <<¿Davidpitaku kawansi imami paypita miraqta aläpa sirvinansipaqqa? Por ultimuqa manami David ayllusu kansi paypa surinta qatiränansipaqqa. Payqa kikinpa ayllunkunata mandakusun. Israel kaqkunaqa, lapansi wayinsipa kutikushun>>. Sayno nirmi Israel runakuna wayinkunapa kutikuyarqan.

Éxodo 5:2

Sayno niyaptinmi Faraón nirqan: <<¿Pitaq say Tayta Diosniki kaykan payta cäsukur Israel runakunata ninäpaqqa? Tayta Diosnikita manami reqïsu. Israel runakuna aywakuyänanpaq manami kachapäshaqsu>>.

Proverbios 15:1

Mayjina rabyash kaptinpis ali shimilanpa parlaparqa rabyayninta päsasinmi. Shimi shimi qayapänakurmi isanqa fiyupa ajanäsinakuyman chäyan.

Eclesiastés 7:10

Ama niysu: <<¿Imanirraq unayqa imapis mas ali karqan?>> Sayno nirqa mana tantiyakuq runanömi parlaykanki.

Isaías 32:5

Fiyu runataqa manami <> niyanqanasu. Engañakuqkunatapis manami <> niyanqanasu.

Isaías 32:7

Engañakuq runaqa pitapis engañaskinmi. Lutanta yarpachakurmi uysuran. Pobrikuna y humildikuna demandakuyaptinpis manakaqtami jitapan.

Jueces 9:28

Saymi Ebedpa surin Gaal nirqan: <<¿Pitaq Abimelecqa aläpa payta cäsukunansipaqqa? Siquem runakuna kaykar ¿imanirtaq paypa munaynincho kashwan? Abimelecqa ¿manaku Jerobaalpa surilan kaykan? Markansita mandaq Zebulpis ¿manaku paypa yanapaqlan kaykan? Abimelecta sirvinansipa trukanqa Siquempa taytan Hamor ayllu runakunalata sirvishun.

1 Samuel 20:30

Sayno niptinmi Saúl fiyupa rabyashpan nirqan: <<¡Supay wachashqan! Isaípa surinwan seqaypa kuyanakuyashqaykita ¿mana tantiyashqätaku yarpashkanki? Sayno kashpayki penqakuypaqmi kaykanki. Mamaykitapis penqaymanmi churaykanki.

1 Samuel 22:2

Saynöpis payman qelikäyarqan muchuq runakuna, jaqa pägayta mana aypäpakuq runakuna y jaqayash runakunapis. Saynöpami Davidpa munaynincho chusku pachak (400) runakuna kayarqan.

1 Samuel 25:9

David sayno yäsirkuptinmi yanapaqninkuna Nabal kaykashqanman chaykur yäsishqannöla niyarqan. Nirkurmi imata ninantapis upälala shuyaraykäyarqan.