1 Samuel 23:1 - Tayta Diospa Wilakuynin

¹ Saypitanami David musyarqan filisteo runakuna Keila markata atacar sayraq wiruyashqan trïguta ërapita apakuyashqanta.

1 Samuel 23:1 ပူးပေါင်းရင်းမြစ်များ

Daniel 2:35

Saymi mitupita, fiërrupita, broncipita, qellaypita y qoripita monumentuta shaluskish. Usya tiempu ëracho trïguta trillaptin polvu rikakushqannömi say monumentupis polvu rikakush. Say polvuta wayra apakuptinmi imapis quëdashnasu. Monumentuta shaluq rumimi isanqa jatunkaray jirka rikakushpan intëru pasaman juntash.

Levítico 26:16

mansariypaq castigarmi qamkunaman kachamushaq fiebrita, nawi nanayta, aywapakayta y wanusikuq qeshyatapis. Contraykikuna shamur cosëchaykikunata apakuyaptinmi murupakuyashqaykipis manakaqlapaq kanqa.

Miqueas 6:15

Mururpis manami cosechayankisu. Aceitünasta aqayaptikipis lushikuyänaykipaq aceiti manami kanqasu. Üvata jaruyaptikipis vïnuta upuyänaykipaq manami kanqasu.

Deuteronomio 28:33

Mana reqiyashqayki jäpa runakuna shamur chakraykikuna wayushqanta apakuyaptin manakaqlapaqmi aruyashqaykipis kanqa. Waran waran mana kuyapaypa arusiyäshuptiki pasaypami nakayankipis.

Deuteronomio 28:51

Say soldädukunaqa uywaykikunatapis mikuynikikunatapis chipyaqmi apakuyanqa. Lapanta apakur manami kachapäyäshunkisu trïgutapis, vïnutapis, aceititapis, ni ima uywaykipa wawankunalatapis. Lapanta ushayaptinmi pasaypa mikanaylawan wanuyanki.

Josué 15:44

Keila, Aczib y Maresa. Say markakuna esqunmi caseriunkunawan karqan.

Jueces 6:11

Saypita juk kutimi Tayta Diospa angilnin Ofracho kaykaq encina jacha chakincho jamaskamurqan. Say jacha karqan Abiezer ayllupita miraq Joáspa chakranchömi. Saychömi madianita runakuna mana rikayänanpaq Joáspa surin Gedeónqa üvata jarukunan kaqcho trïguta pakaylapa püraykarqan.

Jueces 6:4

Saymi Israel runakunapa chakrankunacho campamentunkuna rurakuykur lapan mikuyninkunata Gaza partiyaq ushayaq. Israel runakuna mikuyänanpaq ima mikuytapis manami kachapäyarqansu. Saynölami uyshankunatapis cabrankunatapis wäkankunatapis ashnunkunatapis apakuyaq.