1 Samuel 21:1 - Tayta Diospa Wilakuynin

¹ 1 (2) Saypitanami Nob markapa aywakur David charqan Ahimelec cüra kaqman. Chaykuptinmi Davidta rikaykur Ahimelec mansakashpan nirqan: <<¿Imataq kash? ¿Imanirtaq japalayki shamushkanki?>>

1 Samuel 21:1 ပူးပေါင်းရင်းမြစ်များ

Nehemías 11:32

Anatot markacho, Nob markacho, Ananías markacho,

Isaías 10:32

Kanan hörami Asiria runakuna Nob particho jamapaykäyan. Saychömi kamarikuykäyan Jerusaléncho kaykaq Sión lömata atacaq yaykuyänanpaq.

Marcos 2:26

Mas mandaq cüra Abiatar kaykashqan wisanshi Tayta Diospa wayinman yaykur Diospaq churayashqan tantata David mikunaq. Saynölashi yanapaqninkunatapis qaranaq. Say tanta manami David ni paywan kaykaq runakuna mikuyänanpaqsu karqan, saypa trukanqa cürakunala mikuyänanpaqmi>>.

1 Samuel 14:3

Paywanmi efodnin jatish Ahías cürapis kaykarqan. Say cürami Ahitobpa surin karqan. Ahitobnami Icabodpa wawqin karqan. Ahitobwan Icabod kayarqan Fineespa surinkunami. Fineesnami Elípa surin karqan. Cüra Elíqa Tayta Diosta Siluchömi unay sirvirqan. Campamentucho kaykaq runakuna manami musyayarqansu filisteo soldädukunata atacaq Jonatán aywashqanta.

1 Samuel 16:4

Saymi Tayta Dios nishqannöla Belén markaman Samuel aywarqan. Chaykaptinnami mayor runakuna markapita chaskikuq yarqayämushpan mansakash tapuyarqan: <<¿Imataq kash kayman shamunaykipaq, taytay?>> nir.

1 Samuel 23:18

Say junaqmi Tayta Diospa jutincho pactuta yapay rurayarqan imaypis yanapänakuyänanpaq. Nirkurmi Jonatánqa wayinpa kutikurqan y Davidnami Horescho quëdakurqan.