1 Samuel 2:26 - Tayta Diospa Wilakuynin

²⁶ Samuelnami winaylanta shumaq tantiyakurqan ali kawananpaq. Saymi Tayta Dios munashqanno kawaptin runakunapis kushikuyarqan.

1 Samuel 2:26 ပူးပေါင်းရင်းမြစ်များ

Génesis 39:4

patronnin seqaypa kuyar Joséta churarqan wayincho capataz kananpaq y lapan imaykankunatapis rikananpaq.

Proverbios 3:3

Imaypis qonqankisu kuyakuq kayta y rasun kaqlata parlayta. Mana qonqänaykipaq kunkaykiman saykunata walqakuy. Imaypis yarparänaykipaq shonquykiman qelqay.

Proverbios 3:4

Saynöpami Tayta Diospis y runakunapis ali rikayäshunkipaq.

Lucas 1:80

Zacaríaspa surinqa Tayta Dios munashqanno kawananpaq winaylatami shumaq tantiyakurqan. Tayta Diospa wilakuyninta Israel mayinkunata wilapar qalaykushqanyaqmi sunyaq jirkakunalacho tarqan.

Lucas 2:40

Tayta Dios yanapaptinmi winaylanta shumaq yarpayyuq y kalpayuq Jesús rikakurqan.

Lucas 2:52

Winaylantami Jesús mas yachaq rikakurqan. Saymi Tayta Diospis y runakunapis kuyayarqan.

Hechos 2:47

Paykunaqa imaypis Tayta Diostami alabayaq. Lapan runakunami paykunata respitayaq. Wakintapis Señorninsi salvaptinmi waran waran askayäyarqan.

Romanos 14:18

Jesucristuta sirvir sayno kawarqa Tayta Dios munashqannömi kawaykansi. Sayno kawashqaqa manami pipis jamurämäshunsu.

Jueces 13:24

Saypita killan tinkuptinnami olqu wamrata qeshyakur jutisirqan Sansón jutin kananpaq. Shakshaylantami Sansónta Tayta Dios lapanchöpis yanaparqan.

1 Samuel 2:21

Tayta Diospa bendicionninwanmi Anapa kimsa olqu wawankuna y ishkay warmi wawankuna kayarqan. Samuelqa Tayta Diospa makinchömi maqtayarqan.

1 Samuel 3:19

Samueltaqa winaylantami Tayta Dios imachöpis yanaparqan. Saynöpis Samuel wilakushqannölami lapanpis karqan.