1 Samuel 2:14 - Tayta Diospa Wilakuynin

¹⁴ Paymi perolpita karpis, jatun mankapita karpis, taksha mankapita karpis, cazuelapita karpis jatun tenedorwan aysata jorqurir cüra mikunanpaq apapaq. Saynömi cadala rurayaq Israel runakuna Siluman lapan apayashqankunata.

1 Samuel 2:14 ပူးပေါင်းရင်းမြစ်များ

Isaías 56:11

Malaqash alqunömi imaykatapis saripa sariykäyan. Imatapis mana tantiyaq uyshërunömi kaykäyan. Lapanpis lutanta rurarmi kawakuyan. Imata rurarpis pägupaq kashlami rurayan.

Levítico 7:34

Israel runakuna uywakunata jawka kawakuy sacrificiupaq apayämushqanpita kuyusishqan qasqunta y aluq kaq chankanta Aarónpaq y paypita miraq cürakunapaqmi rakishkä. Say nishqäkunaqa imayyaqpis leymi qamkunapaq kanqa.

Miqueas 3:3

Tayta Dios kuyashqan runakunata mikuqnömi kaykäyanki. Qaranta shipraskir tulunta pakiqnömi kaykäyanki. Caldukuyänaykipaq aysanta kusuqnömi munashqaykita ruraykäsiyanki.

Malaquías 1:10

<<¡Ima aliraq kanman pipis mana yaykunanpaq templupa punkunta wichqayaptin! Saynöpaqa manami pipis altarnïman mana ali uywakunata apayämunmansu. Sayno apayämushqayki manami gustamansu. Apayämuptikipis manami chaskiyäshaykisu.

1 Samuel 2:13

Saynöpis manami cumpliyarqansu cüra kar rurayänanpaq kaqkunata. Saymi Tayta Diosta pipis adorananpaq apamushqan uywata pishtar yanukuykäyaptin cürapa ashmayninta kachayaq jatun tenedornin aptaparkur.

1 Samuel 2:15

Saynöpis wirata manaraq rupasirmi ashmayninta cüra kachaq sacrificiupaq apamuq runata ninanpaq: <>.

1 Samuel 2:29

Sayno kaykaptinqa ¿imanirtaq Israel runakuna apayämushqan sacrificiukunata respitaykankisu? Saynöpis ¿imanirtaq cäsukamänaykipa trukan surikikunata mas cäsupaykanki? Paykunaqa noqapaq apayämushqan alinnin kaqkunata mikuyashpanmi cëbaykäyan>.