1 Samuel 2:11 - Tayta Diospa Wilakuynin

¹¹ Saypitanami Elcana kutikurqan warminkunawan y surinkunawan Ramácho kaykaq wayinman. Surin Samueltanami kachaykurqan Elípa makincho Tayta Diosta sirvinanpaq.

1 Samuel 2:11 ပူးပေါင်းရင်းမြစ်များ

1 Samuel 1:1

Efraín jalqakunacho kaq Ramá markapitami juk runa karqan Zuf ayllupita Elcana jutiyuq. Elcanaqa Jerohampa surin y Eliúpa wilkanmi karqan. Eliúmi karqan Tohupa surin. Tohunami karqan Zufpa surin. Elcanaqa efrateo runami karqan.

1 Samuel 1:19

Waraynin tutanami Tayta Diosta yapay adorashqanpita Ramácho kaykaq wayinpa kutikuyarqan. Saypitanami runan Elcanawan punur Tayta Dios bendicionninta churaptin Ana qeshyaq rikakurqan.

1 Samuel 1:28

Saymi wawäta apamushkä Tayta Diospa makincho kachaykunäpaq. Paymi wanushqanyaq Tayta Diosta sirvinqa>>. Sayno niptinmi Elíqa urkunpis pasaman töpashqanyaq qonqurpakuykur Tayta Diosta adorarqan.

1 Samuel 2:18

Samuelnami Tayta Diosta sirvirqan lïnupita rurash efodnin jatish.

1 Samuel 3:1

Samuelqa Elí tantiyasishqannömi Tayta Diosta sirvirqan. Say wisan Tayta Diospa wilakuyninta wilakuqkuna juk ishkaylami kayarqan. Saynöpis aybësislami pitapis Tayta Dios parlapaq.

1 Samuel 3:15

Saypitanami Samuelqa cämancho wararkamur imaypis rurashqanno Tayta Diospa wayinpa punkunta kicharqan. Isanqa Tayta Dios imata nishqantapis Elíta wilapayta mansarirqanmi.

1 Samuel 7:17

Nirkurnami Ramáman kutiq, saycho wayin kaptin. Ramáchöpis runakuna quejakuyashqanta arreglaqmi. Saynöpis Tayta Diosta adorayänanpaqmi altarta saycho rurasirqan.