1 Samuel 18:6 - Tayta Diospa Wilakuynin

⁶ Goliatta David wanusishqanpita soldädukuna kutiyaptinmi Israel markakunapita warmikuna tinyankunata y panderëtankunata tukayashpan cantaraykar y danzaraykar rey Saúlta chaskikuq kushish yarquyarqan.

1 Samuel 18:6 ပူးပေါင်းရင်းမြစ်များ

2 Samuel 1:20

Wanuyashqantaqa Gat markacho ama wilakuyäsunsu. Ascalón markapa cällinkunachöpis ama parlakuyäsunsu. Sayta musyaykurqa filisteo warmikuna kushikuyanqami. Diosman mana yärakuq runakunapis fiestatachir rurayanqa.

2 Samuel 6:5

Babulta apayaptinmi Israel runakunawan Davidpis fiyupa kushish tünaraykar aywayarqan. Tayta Diosta alabayashpanmi arpakunata, salteriukunata, panderëtakunata, shaqshaqyaqkunatapis platïllukunatapis tukaraykar aywayarqan.

Salmo 149:3

Jutinta joqarir danzayay. Arpakunata y panderëtakunata tukapalanpa alabayay.

Salmo 68:11

11 (12) Tayta Dios kachaptinmi aska warmikuna wilakuyarqan:

Salmo 68:25

25 (26) Puntatami cantaqkuna aywaykäyan. Qepantanami tukaqkuna aywaykäyan. Chawpintanami jipashkuna panderëtakunata tukaraykar aywaykäyan.

Éxodo 15:20

Saypitanami Aarónpa panin profetïsa María panderëtata tukar qalaykurqan. Saymi lapan warmikunapis panderëtankunata tukar kushikuyashpan paywan juntu danzaraykar aywayarqan.

Éxodo 15:21

Saychömi María cantarqan: <>.

Isaías 30:32

Mana kachaypa wiruykarmi Asiria runakunata ushakäsinqa. Sayno castigaptinmi panderëtakunata, arpakunata tukarraq kuyashqan runakuna kushikuyanqa.

Jueces 11:34

Mizpaman kutir wayinman Jefté chaykaptinmi juklayla warmi surin panderëtata tukar tushuraykar tariparqan. Jeftépa manami mas surin karqansu olqupis ni warmipis.

1 Samuel 18:5

Imata rurananpaqpis mandashqanta shumaq David ruraptinmi soldädukunapa capitannin kananpaq Saúl churarqan. Saymi lapan soldädukunapis y Saúlpa yanapaqninkunapis seqaypa kushikuyarqan.