1 Samuel 17:52 - Tayta Diospa Wilakuynin

⁵² Saymi Israel y Judá soldädukuna qaparäyashpan qati qatiykur wanusiyarqan Gat y Ecrón markakunayaq. Saymi Saaraimpita hasta Gatwan Ecrón markakunayaq aywaq nänikunacho filisteo soldädukunapa ayankuna jitaräyarqan.

1 Samuel 17:52 ပူးပေါင်းရင်းမြစ်များ

2 Samuel 23:10

Eleazarmi isanqa mana mansariypa makinpis espädata aptarar yachakashqanyaq filisteo soldädukunawan pelyarqan. Vincishqanta tantiyakurmi Israel soldädukuna Eleazar kaqman kutiykur wanush soldädukunapa imaykankunatapis apakuyarqan. Tayta Dios sayno yanapaptinmi filisteo soldädukunata pasaypa vinciyarqan.

1 Reyes 20:21

Saynöpami Israel nacionpa mandaqnin rey Acab vinciykur Siria soldädukunapa cawallunkunata y guërraman aywayänanpaq kaq carrëtankunata qechurqan.

Josué 15:11

Saypitami Ecrón marka norti kaqlä lömapa chaykur tumararqan Sicrónpa y Baala jalqakunapa. Saypita Jabneelpa päsar Mediterráneo Lamarmanmi tinkurqan.

Jueces 7:23

Madianita soldädukuna qeshpir aywakuyaptinmi Neftalí trïbu runakuna, Aser trïbu runakuna y Manasés trïbu runakuna shuntakaykur qatipäyarqan.

1 Samuel 17:53

Qatikachäyashqanpita Israel runakuna kutiykurmi filisteo runakunapa campamentunpita imankunatapis apakuyarqan.

1 Samuel 5:10

Saymi Tayta Diospa babulninta apayarqan Ecrón markamanna. Chaykasiyaptinmi saycho taq runakuna pasaypa mansarir niyarqan: <<¡Kaychi kaylaqa! ¿Imapaqraq Israel runakunapa Diosninpa babulninta apapämashkansi? ¡Kananqa lapansitachir ushakäsimäshun!>>

1 Samuel 5:8

Saymi filisteo autoridäkunata qayaykasimur tapuyarqan: <> niyashpan. Saymi niyarqan: <>. Sayno niyaptinmi filisteo runakuna Gat markaman apayarqan.