1 Samuel 17:1 - Tayta Diospa Wilakuynin

¹ Saypitanami filisteo soldädukuna Soco markacho shuntakäyarqan Israel runakunawan pelyayänanpaq. Saymi campamentunta sharkasiyarqan Efes-damimcho. Efes-damimqa Socuwan Azeca markakunapa lindërunchömi karqan. Socuqa karqan Judá trïbu runakuna täyashqan kaqchömi.

1 Samuel 17:1 ပူးပေါင်းရင်းမြစ်များ

1 Crónicas 11:13

Israel runakunawan guërrata rurayänanpaq filisteo runakuna Pasdamimcho shuntakäyaptinmi Eleazarpis saycho Davidwan kaykarqan. Cebäda chakracho pelyaykäyashqanpitami filisteo runakunapita Israel runakuna qeshpir aywakuyarqan.

2 Crónicas 11:7

Bet-sur, Soco, Adulam,

2 Crónicas 28:18

Saynölami filisteo runakunapis Judá nacionman yaykuyashpan Sefelacho kaykaq markakunata y Neguevcho kaykaq markakunata acaparayarqan. Saynöpami acaparayarqan Bet-semes markata, Ajalón markata, Gederot markata, Soco markata, Timna markata, Gimzo markata y nawpancho kaq markakunatapis. Nirkurnami say markakunacho täyarqan.

Jeremías 34:7

Say hörami Babilonia nacionpa mandaqnin rey soldädunkunawan Jerusalénta atacaykäyarqan. Saynölami atacaykäyarqan Laquis markatapis y Azeca markatapis. Judá nacioncho wakin corralash markakunataqa maynami vinciyash karqan. Jerusalén, Laquis y Azeca markakunatami isanqa vinciyarqanraqsu.

Josué 15:35

Jarmut, Adulam, Soco, Azeca,

Jueces 3:3

Say runakunami kayarqan filisteo runakunapa pisqa mandaqninkuna, cananeo runakuna, sidonio runakuna y Líbano jalqakunacho taq heveo runakunapis. Say heveo runakunaqa täyarqan Baal-hermón jalqapita hasta Hamatyaqmi.

1 Samuel 13:5

Filisteo runakunapis shuntakäyarqan Israel runakunawan pelyayänanpaqmi. Filisteo runakunapami karqan kimsa chunka waranqa (30,000) carrëtankuna y soqta waranqa (6,000) cawallun loqash soldädunkuna. Chakilapa aywaq soldädukunanami kayarqan lamar kuchuncho aqunöraq yupaytapis mana atipaypaq. Paykunami shuntakäyarqan Micmascho. Micmasqa Bet-avén inti jeqamunan kaqläpami karqan.

1 Samuel 14:46

Saymi soldädunkunawan Saúl manana qatipäyaptin filisteo soldädukuna markankunapa kutikuyarqan.

1 Samuel 14:52

Saúl rey kanan wisanqa filisteo runakunawan imaypis guërralami karqan. Saymi alinnin kaq maqtakunataqa lapanta Saúl shuntarqan soldädun kayänanpaq.

1 Samuel 7:7

Israel runakuna Mizpacho shuntakäyashqanta musyaykurmi filisteo runakunapa mandaqninkuna soldädunkunata shuntaykur pelyaq aywayarqan. Sayno aywayashqanta musyarmi Israel runakuna fiyupa mansariyashpan