1 Samuel 14:3 - Tayta Diospa Wilakuynin

³ Paywanmi efodnin jatish Ahías cürapis kaykarqan. Say cürami Ahitobpa surin karqan. Ahitobnami Icabodpa wawqin karqan. Ahitobwan Icabod kayarqan Fineespa surinkunami. Fineesnami Elípa surin karqan. Cüra Elíqa Tayta Diosta Siluchömi unay sirvirqan. Campamentucho kaykaq runakuna manami musyayarqansu filisteo soldädukunata atacaq Jonatán aywashqanta.

1 Samuel 14:3 ပူးပေါင်းရင်းမြစ်များ

1 Samuel 1:3

Wata watami Silo markaman Elcana aywaq lapanta mandaq Tayta Diosta adorar sacrificiuta rupasinanpaq. Saychömi cüra Elípa surinkuna Ofni y Finees kaykäyarqan. Paykunapis cürami kayarqan.

1 Samuel 14:36

Nirkurnami Saúl nirqan: <>. Saymi soldädunkuna niyarqan: <>. Sayno niptinmi cüra nirqan: <>.

1 Samuel 2:18

Samuelnami Tayta Diosta sirvirqan lïnupita rurash efodnin jatish.

1 Samuel 2:28

Nirkurmi lapan trïbukunapita aylluyki Aarónta akrarqä sirvimaqnï cüra kananpaq. Paytami churarqä altarnïcho sacrificiukunata rupasinanpaq, inciensuwan qoshnisinanpaq y efodnin jatish nawpäman yaykamunanpaq. Saynöpis nirqä Israel runakuna apayämushqan sacrificiukunapita paypis y paypita miraqkunapis racionninta chaskiyänanpaqmi.

1 Samuel 22:20

Say junaqmi Ahimelecpa juk surin Abiatar qeshpir David kaykashqan kaqman aywarqan.

1 Samuel 4:21

Manaraq wanurmi say yuriq wawanta jutisirqan Icabod jutin kananpaq. Icabod ninanqa Tayta Diosmi kachariykamashkansi ninanmi. Jutinta sayno churaparqan Tayta Diospa babulninta apakuyash kaptin y runanwan suedrunpis wanuyash kaptinmi.

1 Samuel 4:4

Saymi runakunata kachayarqan lapanta mandaq Tayta Diospa Pactu Babulninta Silupita apayämunanpaq. Babul janancho kaq ishkay querubín chawpinchömi Tayta Diospa trönun kaykan. Pactu Babulta apayämuptinmi Elípa surinkuna Ofniwan Fineespis aywayarqan.