1 Samuel 14:22 - Tayta Diospa Wilakuynin

²² Wakin Israel runakunanami Efraín jalqakunacho pakaraykäyarqan. Paykunapis filisteo runakuna qeshpiykäyashqanta musyaykurmi qepanta aywayashpan wanusiyarqan.

1 Samuel 14:22 ပူးပေါင်းရင်းမြစ်များ

Jueces 7:23

Madianita soldädukuna qeshpir aywakuyaptinmi Neftalí trïbu runakuna, Aser trïbu runakuna y Manasés trïbu runakuna shuntakaykur qatipäyarqan.

1 Samuel 13:6

Saymi Israel runakuna pasaypa mansariyashpan pakakuyarqan machaykunaman, raqrakunaman, qaqakunaman, zanjakunaman y saki pözukunamanpis.

1 Samuel 14:11

Sayno nirmi alayrinninman aywayarqan filisteo soldädukuna rikayänanpaq. Paykunata rikayashpanmi niyarqan: <<¡Rikayay hebreo runakuna pakakuyashqan machaypita yarqaykäyämuqta!>>

1 Samuel 31:7

Saúlta y surinkunata filisteo runakuna wanusiyashqanta y soldädukunapis qeshpir aywakuyashqanta musyaykurmi Jezreel pampa simpacho y Jordán mayu simpacho taq Israel runakuna markankunapita qeshpir aywakuyarqan. Saymi filisteo runakunana say markakunacho täyarqan.