1 Samuel 14:15 - Tayta Diospa Wilakuynin

¹⁵ Sayno wanusiyaptinmi campamentucho kaykaqkuna, campamentupita yarqush kaqkuna y markakunata atacaq aywaqkunapis fiyupa mansariyarqan. Saynölami elaqpita temblor kaptin lapanpis pasaypa mansariyarqan.

1 Samuel 14:15 ပူးပေါင်းရင်းမြစ်များ

Génesis 35:5

Taykäyashqanpita aywakuyaptinmi say particho taq runakunapa shonqunkunata Tayta Dios mansarïsirqan mana qatipäyänanpaq.

2 Samuel 5:24

Saycho pakakuykur shuyaräyanki. Balsamu jachakuna puntankunapa puriqtano wiyarmi musyayanki puntaykikunata filisteo runakunata ushakäsinäpaq aywaykashqäta. Sayno kaptin jukla yaykuyanki atacayänaykipaq>>.

Job 18:11

<

Salmo 14:5

Sayno kaptinpis cäsukuqkunawanmi Tayta Dios kaykan. Sayta rikarmi yaqa runakuna suksukyayparaq mansakäyan.

Éxodo 19:18

Sinaí jirkaman nina chawpincho Tayta Dios urämush kaptinmi imayka jornupita sharkuqnöraq yanawyaykaq qoshtay sharkuykarqan. Jirkakunapis fiyupami suksukyarqan.

Daniel 5:6

rey pasaypa mansakar almatakaskirqan. Qonqurninpis pasaypa suksukyaptinmi ichiränanpaq kalpanpis karqansu.

Mateo 24:6

Guërra kaptinpis y guërra kananpaq kashqanta mayarpis ama mansakäyaysu. Puntataqa saykunaraqmi kanqa. Sayno kaptinpis kay pasa manaraqmi ushakanqaraqsu.

Josué 2:9

<

Jueces 7:21

Sayno nirmi Israel runakunaqa maypapis mana kuyukuypa madianita runakunapa campamentun kuchunman jiruruypa churakäyashlancho ichiräyarqan. Saynami madianita runakunaqa qaparäyashpan qeshpiyta munar wakpa kaypa cörrikachäyarqan.

1 Samuel 13:17

Filisteo soldädukunami kimsa puntaman rakikaykur Micmascho campamentunpita yarquyarqan Israel runakuna täyashqan markakunata asulayänanpaq. Juk punta aywayarqan Sualcho kaykaq Ofra markaläpa.

1 Samuel 13:18

Juk puntami aywayarqan Bet-horónläpa y jukaq puntanami aywayarqan Zeboim raqra janaqan sunyaq jirkamanpa.

1 Samuel 13:23

Juk grüpu filisteo soldädukunami aywayarqan Micmas nishqan raqraman Israel runakunata sapäyänanpaq.

1 Samuel 14:14

Sayno atacarmi pulan yugäda chakralacho yanapaqninwan Jonatán wanusiyarqan ishkay chunka (20) filisteo runakunata.

1 Samuel 14:16

Gabaapita rikachakuq Israel soldädukunami rikayarqan filisteo soldädukuna löcutashno wakman kayman cörrikachaykäyaqta.

1 Samuel 7:10

Rupasina sacrificiuta Samuel rupaykäsishqan hörami filisteo runakuna chäyarqan Israel runakunata atacayänanpaq. Saymi jana pasapita Tayta Dios fiyupa maqakasimuptin filisteo runakuna pasaypa mansakäyarqan. Sayno mansakash kaykaqtami Israel runakuna atacar vinciyarqan.