1 Samuel 12:9 - Tayta Diospa Wilakuynin

⁹ Sayno churaykaptinpis paykunaqa Tayta Diosta manami wiyakuyarqansu. Saymi Tayta Diospis paykunata yanaparqannasu Hazor marka soldädukunapa capitannin Sísara atacar munayninman churaptinpis. Saynölami filisteo runakuna y moabita runakunapis atacar munayninman churaptin yanaparqansu.

1 Samuel 12:9 ပူးပေါင်းရင်းမြစ်များ

2 Samuel 7:11

Churashqä juezkuna mandayashqan wisanpita pasami kuyashqä Israel runakunata atacayarqan. Qamtami yanapäshayki lapan chikishuqnikikuna achäquita mana ashipäyäshunaykipaq. <<

Salmo 106:21

Sayno karmi Egiptucho espantaypaq kaqkunata rurar salvaqnin kaptikipis qonqäyäshurqayki.

Isaías 63:10

Sayno yanapaykaptinpis Tayta Diosta mana cäsurmi Espíritu Santunta pasaypa lakikasiyarqan. Saymi Tayta Dios rabyakushpan paykunapa contran rikakur fiyupa castigarqan.

Jeremías 2:32

Adornunkunata ¿jipash qonqaykunmansuraq? Majasakashqan höra jatikushqan mödananta ¿qonqaykunmansuraq? Qamkunami isanqa qonqaykayämashkanki.

Deuteronomio 32:18

<

Deuteronomio 32:30

Tayta Dios mana yanapaptinqa ¿imanöparaq juk runala waranqa (1,000) runakunata qatikachanman? Saynöpis ¿imanöparaq ishkay runala chunka waranqa (10,000) runakunata qatikachäyanman? Saynölami contrankunata Tayta Dios yanapaptin Israel runakunata qatikachar vinciyarqan.

Jueces 10:7

Sayno kayaptinmi Tayta Diosqa fiyupa rabyakushpan filisteo runakuna y amonita runakuna nakasiyänanpaq kachapaykurqan.

Jueces 13:1

Saypitanami Israel runakuna mana cäsukur Tayta Diosta yapay rabyanäsiyarqan. Saymi Tayta Dios kachariykuptin filisteo runakuna chusku chunka (40) watantin nakasiyarqan.

Jueces 2:14

Sayno kayashqanpitami Tayta Dios fiyupa rabyakushpan Israel runakunata yanaparqannasu. Saymi nawpan nacionkunacho taq contran runakuna yaykuykur imankunatapis apakuyaptin defiendikuyta kamäpakuyarqansu.

Jueces 3:12

Israel runakuna Tayta Diosta mana cäsukur yapay rabyanäsiyaptinmi Moab nacionpa mandaqnin rey Eglónta Tayta Dios yanaparqan munayyuq kananpaq.

Jueces 3:31

Aod wanuskiptinnami Anatpa surin Samgarna Israel runakunata contrankunapita salvarqan. Paymi yuntata qatikuna picalawan soqta pachak (600) filisteo runakunata wanusirqan.

Jueces 4:2

Saymi Tayta Diosqa Hazor markacho cananeo runakunapa mandaqnin rey Jabínpa munayninman kachapaykurqan. Soldädunkunapa capitannin Sísarami Haroset-goim markacho tarqan.

1 Samuel 12:15

Tayta Diosta mana cäsukur lutankunata rurayaptikimi isanqa qamkunata y mandashuqniki reytapis mana kuyapaypa castigayäshunki.