1 Samuel 10:2 - Tayta Diospa Wilakuynin

² Kanan kaypita aywakur Benjamín trïbu runakuna täyashqan lindëruncho kaq Selsaman charmi ishkay runakunawan tinkunki. Say kanqa Raquel pamparaykashqan kaqchömi. Paykunami wilayäshunki ashiykashqayki ashnuykikunata papäniki mayna tarishqanta. Saynölami wilayäshunki papäniki qampaq lakikuykashqantapis.

1 Samuel 10:2 ပူးပေါင်းရင်းမြစ်များ

Génesis 35:16

Bet-elcho taykashqanpitanami Efrataman Jacob aywakurqan. Sayman chaykaptinmi killan tinkuptin Raquelta nanay sarirqan. Saychömi wachayta mana kamäpakur fiyupa nakarqan.

Génesis 48:7

Surikikunata sayno legitimakuykä mamayki Raquelta Canaáncho wanupakush karmi. Payta wanupakurqä Padan-arampita kutimur Efrata markaman sayraq chaykarmi. Saymi payta pamparqä Efrataman aywana näni kuchulanman>>. (Efrataqa Belénmi kaykan.)

Jeremías 31:15

Tayta Diosmi nin: <>.

Josué 18:28

Zela, Elef, Jebús (Jebúspa jukaq jutin kaykan Jerusalén), Gabaa y Quiriat. Say markakuna chunka chuskumi caseriunkunawan kayarqan. Saynömi Benjamín trïbu runakuna ayllunpa ayllunpa chaskiyashqan posisionninpa lindërun karqan.

1 Samuel 10:16

Sayno tapuptinpis Saúl manami rey kananpaq Samuel nishqankunata wilaparqansu. Saypa trukanqa wilarqan ashnukunata mayna tariyashqanta nishlantami.