1 Reyes 7:4 - Tayta Diospa Wilakuynin

⁴ Saynölami kimsa hilëra ventänakunatapis frenti frenti kananpaq rurasirqan. Cada hilërachömi kimsa ventänakuna karqan.

1 Reyes 7:4 ပူးပေါင်းရင်းမြစ်များ

1 Reyes 6:4

Templupa ventänankunatapis rejïllayuqtami Salomón rurasirqan.

1 Reyes 7:3

Say terrädukuna karqan chusku chunka pisqami (45). Saykunatami columnakunaman churasirqan kimsa fïlata. Saymi cada fïlacho karqan chunka pisqa terrädukuna. Nirkurmi cedru tablakunawan terrädu rurinpa entablasirqan.

1 Reyes 7:5

Lapan punkukunapis y ventänakunapis kimsa fïla frenti frenti cuadrädumi kayarqan.

Isaías 54:12

Rubí rumipitami rikachakuna törrikikunatapis rurashaq. Carbunclo rumipitami punkuykikunatapis rurashaq. Intëru kuchunpa perqa murällaykitapis kuyaylapaq rumikunawanmi perqashaq.

Ezequiel 40:16

Cada taksha cuartukunapis ventänayuqmi kayarqan. Ruripanami rëjasninkuna karqan. Saynölami jatun cuartupapis ventänankuna kayarqan. Rakiq perqankunachönami palmërakuna dibujaraykäyarqan.

Ezequiel 40:22

Jatun cuartupis, ventänakunapis, palmëra dibüjunkunapis inti jeqamunan kaqlä punkucho kaykashqannölami karqan. Sayman yaykunanpaqpis qanchis grädakunami karqan. Saychöpis patiu kaqlämanpami jatun kaq cuartu karqan.

Ezequiel 40:25

Cuartunkunapa ventänankunapis wakin kaqnölami karqan. Larguyninta tupuptinmi pisqa chunka (50) metru karqan. Anchuyninta tupuptinnami chunka ishkay metru pulan karqan.

Ezequiel 40:29

Taksha cuartunkunapis, rakiq perqakunapis y jatun cuartu alarpis wakin punkukunacho kaykaq tamäñulami kayarqan. Ventänankunapis sawanläpami kayarqan. Tupuptin larguynin ishkay chunka pisqa (25) metru y anchuyninnami chunka ishkay metru pulan karqan.

Ezequiel 40:33

Taksha cuartunkunapis rakiq perqankunapis y jatun cuartupis say tamäñulami karqan. Patiumanpami ventänankunapis karqan. Tupuptin larguynin karqan ishkay chunka pisqa (25) metrumi. Anchuyninnami chunka ishkay metru pulan karqan.

Ezequiel 40:36

Taksha cuartunkunapis rakiq perqankunapis jatun cuartu y lapan ventänankunapis say tamäñulami karqan. Tupuptin ishkay chunka pisqa (25) metrumi larguynin karqan. Anchuyninnami chunka ishkay metru pulan karqan.

Ezequiel 41:26

Yaykuna kaq cuartukunachömi ventänakunapis kaykarqan. Saychömi palmërakuna dibujaraykäyarqan. Templuman laqaraykaq cuartukunaqa qerupita rejïllayuqmi kayarqan.