1 Reyes 5:9 - Tayta Diospa Wilakuynin

⁹ 9 (23) Saymi minkaynïkunawan Líbanupita lamar kuchunyaq qerukunata jorqarkasimur balsatano yakulapa apasimushaq mayyaqpis nimashqaykiyaq. Saychönami qerukunata shuntasinki. Apasimushqä qerukunapa trukan mikuyta apasimunki palaciücho taqkuna mikuyänanpaq>>.

1 Reyes 5:9 ပူးပေါင်းရင်းမြစ်များ

Ezequiel 27:17

<<

Esdras 3:7

Saypitanami templuta sharkasiyänanpaq albañilkunata y carpintërukunata pägayarqan. Tiro y Sidón runakunatapis mikuywan, aceitiwan y vïnuwan pägayaptinmi lamar janalanpa Líbano nacionpita Jope markayaq cedru qerukunata apapäyämurqan. Israel runakuna lapanta rurayarqan Persia nacionpa mandaqnin rey Ciro mandashqannölami.

Hechos 12:20

Tirucho y Sidóncho taq runakuna Herodespa contran rurash kayaptinmi Herodes rabyakushpan say markakunaman mikuyta apasiyta munarqannasu. Sayno kaptinmi say runakuna Herodesman kachata kachakuyarqan parlayämunanpaq. Manaraq parlarmi Herodespa yanapaqnin Blastuwan amistäta rurayarqan. Blastunami Herodeswan parlarqan Tiro y Sidón runakunawan amistananpaq.

2 Crónicas 2:16

16 (15) Aykatapis nistashqaykitami Líbanupita cedru qerukunataqa jorqasipämushayki. Lamar kuchunman chaykasirmi say qerukunata shinrirkur balsatano yakulanpa Jope markayaq apasimushaq. Saypitanami Jerusalénman ashtasikunki>>.

2 Crónicas 1:15

Rey Salomón shuntasishqan qoripis yuraq qellaypis shalanöraqmi Jerusaléncho saysika karqan. Saynölami cedru jachatapis Sefelacho plantasirqan hïgus jachanöraq saysika kananpaq.

Deuteronomio 3:25

Taytay, kanan ruwakushayki. Kuyaylapaq jalqakunata y Líbanutapis rikaykunäpaq Jordán mayuta simpaykasilämay>.

1 Reyes 5:8

8 (22) Saypitanami Hiramqa Salomónta wilakasir nirqan: <

1 Reyes 5:10

10 (24) Saymi Hiram jorqasiparqan Salomón munashqan cedru y ciprés qerukunata.

1 Reyes 9:27

Payta yanapäyänanpaqmi rey Hiram sayman kacharqan büqui manijay yachaq capitankunata.

1 Reyes 3:12

Saymi manakamashqaykino yanapäshayki ali tantiyakuq y yachaq kanaykipaq. Qam yachaq kashqaykinöqa manami pipis kashsu ni imaypis kanqasu.

1 Reyes 4:20

Judácho taq y Israelcho taq runakunaqa lamar kuchuncho aqushanöraqmi yupaytapis mana atipaypaq saysika kayarqan. Askaq kayaptinpis mikuyänanpaq y upuyänanpaq pusuy pusuymi karqan. Saynöpami lapanpis kushish kawayaq.

2 Crónicas 9:22

Rey Salomónqa maysay nación reykunapitapis mas rïcu y mas yachaqmi karqan.

Job 32:8

Sayno kaptinpis lapanpaq munayyuq Tayta Diosmi tantiyakuyta qomansi. Tantiyakuq kanansipaqmi Espïritunwan tantiyasimansi.

Eclesiastés 1:16

Shonqulächo yarpachakurmi tantiyashkä pïmaypitapis mas tantiyakuq kashqäta. Jerusaléncho noqapita mas punta kaq reykunapitapis mas yachaqmi kä.