20 Pipis <> nikar runa mayinta chikirqa lulakuykanmi. Runa mayinsita rikaykar mana kuyaykarqa ¿imanöparaq mana rikashqansi Tayta Diosta kuyashwan?
Sayno kuyanakuyaptikimi pïmaypis musyayanqa discïpulükuna kayashqaykita>>.
Mana rikash karpis Jesucristuta kuyaykäyankimi. Saymi payman yärakur seqaypa kushish kawaykäyanki. Sayno kushikuyashqaykita manami imanöpa tantiyasiytapis kamäpakuyankisu.
Saymi mayqansipis <> nikar sakäpakushno purirqa lulakuykansi. Sayno kawarqa manami rasunpaypasu Tayta Dios munashqanno kawaykansi.
Mayqansipis jusaynaq tukurqa manami rasun kaqtasu parlaykansi, sinöqa lulakuykansimi.
Runa mayinta chikiq kaqqa sakäpakushnömi kaykan. Qapra runa maypa aywashqantapis mana tantiyashqannömi Tayta Dios munashqanno kawananpaqpis tantiyansu.
Mayqansipis Tayta Diosta reqishqansita nikarpis mandamientunkunata mana cäsukurqa manami rasun kaqtasu parlansi, sinöqa lulakuykansimi.
Pï runapis <> nikar runa mayinta chikirqa sakäpakushlaraqmi kaykan.
Kaykäpamash runa mayinsi muchuycho kaykaptin mana yanaparqa manami Tayta Dios kuyakuq kashqannösu kuyakuq kansi.
Tayta Diosta manami pipis rikashsu. Sayno kaptinpis kuyanakushqami noqansiwan kaykan. Saymi yanapaykämansi pay kuyakuq kashqanno noqansipis kuyakuq kanansipaq.
