1 Juan 4:12 - Tayta Diospa Wilakuynin

¹² Tayta Diosta manami pipis rikashsu. Sayno kaptinpis kuyanakushqami noqansiwan kaykan. Saymi yanapaykämansi pay kuyakuq kashqanno noqansipis kuyakuq kanansipaq.

1 Juan 4:12 ပူးပေါင်းရင်းမြစ်များ

Génesis 32:30

30 (31) Aywakuptinmi Jacob nirqan: <>. Saypitami say partita jutisirqan Peniel jutin kananpaq.

Éxodo 33:20

Isanqa qaqläta manami rikankimansu. Pipis qaqläta rikaq kaqqa wanunqami>>.

Números 12:8

Paytaqa mana tumasipaylapami parlapä. Kikïtami rikaman. Sayno kaykaptinqa ¿imanirtaq washanta rimaykäyanki?>>

Juan 1:18

Manami pipis Tayta Diosta imaypis rikashsu. Juklayla Surinmi isanqa, Dios kar y Tayta Dioswan juklayla kar, Tayta Diospita musyasimashkansi.

1 Corintios 13:13

Kananqa yärakur, shuyakur y kuyanakurmi kawaykansi. Lapanpitapis mas aliqa kaykan kuyanakushqansimi.

1 Timoteo 1:17

¡Tayta Diosmi imayyaqpis munayyuq rey, imayyaqpis kawaq y mana rikakaq kaykan! Pay japalanmi Dios kaykan. [Manami pipis payno yachaq kansu.] ¡Imayyaqpis alabash kaykuläsun! ¡Amén!

1 Timoteo 6:16

Pay japalanmi imayyaqpis kawaq kaykan y seqaypa chipipiykaqchömi kaykanpis. Payta manami pipis rikashsu ni rikaytapis kamäpakunsu. ¡Lapan runakuna imayyaqpis payta alabaykuyäläsun! ¡Paypa makincho imayyaqpis kaykuyäläsun! Amén.

Hebreos 11:27

Tayta Diosman Moisés yärakurmi Faraónta mana mansaypa Tayta Diosta rikaykaqno Egiptupita aywakurqan.

1 Juan 2:5

Mandamientunkunata cumplirmi isanqa Tayta Diosta rasunpaypa kuyansi. Saynöpami musyansi Tayta Diospa makincho kashqansita.

1 Juan 3:24

Mandamientunkunata cumplirqa paywanmi kaykansi y paypis noqansiwanmi kaykan. Noqansiwan pay kaykashqanta musyansi kachamushqan Espíritu Santuta chaskikush karmi.

1 Juan 4:16

Kananqa Tayta Dios kuyamashqansita musyarmi payman yärakuykansi. Tayta Diosqa kuyakuqmi kaykan. Noqansipis kuyanakurqa paywanmi kaykansi y paypis noqansiwanmi kaykan.

1 Juan 4:20

Pipis <> nikar runa mayinta chikirqa lulakuykanmi. Runa mayinsita rikaykar mana kuyaykarqa ¿imanöparaq mana rikashqansi Tayta Diosta kuyashwan?

1 Juan 4:6

Noqakunaqa Diospa wilakuqninmi kaykäyä. Saymi wilakuyashqäta chaskikuqkuna Tayta Diosta reqiyan. Wilakuyashqäta mana chaskikuqkunaqa manami Tayta Diospa wilakuqninsu kayan. Saynöpami musyansi mayqan runa rasun kaqta yachasishqanta y mayqan runa lutanta yachasishqantapis.