1 Juan 3:8 - Tayta Diospa Wilakuynin

⁸ Jusalikuyta mana kachariq kaqqa diablupa munayninchömi kaykan. Diabluqa kay pasa qalaykushqanpita pasami jusalikun. Diablu rurashqankunata ushakäsinanpaqmi Tayta Diospa Surin Jesucristo shamush.

1 Juan 3:8 ပူးပေါင်းရင်းမြစ်များ

Génesis 3:15

Kananpitaqa warmiwan fiyupami chikinakuyanki. Saynölami warmipita yuriqpis qampita miraqkunata rikaytapis munanqasu. Warmipita yuriqtami talonnincho picanki. Paymi isanqa umaykita shalunqa>>.

Isaías 27:1

Say wisanmi lamarcho wenquypa wenqur shiwyarayla aywaq mansariypaq Leviatán waräkuyta Tayta Dios jatunkaray llawchi espädanwan wanusinqa.

Números 21:9

Sayno niptinmi broncipita culebrata Moisés ruraykur qeru puntanman bandërarqan. Culebra picaptinqa broncipita rurash culebrata pipis jukla rikärirqa wanuqnasu.

Mateo 12:28

Diospa Espïritunwan supaykunata qarquptïmi Tayta Dios mandaykashqan qamkunaman chämushqanta musyayanki>>.

Mateo 13:38

Chakraqa intëru kay pasami kaykan. Trïguqa Tayta Dios mandaykashqancho kawaq runakunami kaykäyan. Ballicuqa Satanás munashqanno kawaq runakunami kaykäyan.

Mateo 4:3

Saymi diablu chaykur nirqan: <>.

Marcos 1:24

nirqan: <<[¡Waauuu!] ¡Nazaretpita kaq Jesús! ¿Imatataq noqakunawan munanki? ¿Ushakäsiyämänaykipaqku shamushkanki? ¡Noqa musyämi Tayta Dios kachamushqan santu runa kashqaykita!>>

Lucas 10:18

Saymi Jesús nirqan: <

Juan 12:31

Runakuna juzgash kayänanpaq kaq höra chaykämunnami. Saynölami kay pasapa mandaqnin qarqush kananpaqpis höran chaykämunna.

Juan 16:11

Juzgash kananpaq kashqanta tantiyasinqa kay pasapa mandaqnin vincishna kaptinmi.

Juan 8:44

<

Romanos 16:20

Ali kawayta qomaqninsi Tayta Dios yanapaykuyäläshunki Satanásta manakaqman churayänaykipaq. Señorninsi Jesucristo kuyapäyäshushpayki imaypis yanapaykuyäläshunki.

Efesios 2:2

Wakin runakunanölami Tayta Diosta mana cäsukur Satanáspa makincho kawayarqayki.

Colosenses 2:15

Jesucristo sayno wanurmi Satanástapis supaykunatapis vincish. Contran soldädukunata rey vinciykur runakuna rikanancho watarkur penqaypaq purisiqnömi Satanástawan supaykunata vincir penqayman churash.

1 Timoteo 3:16

Tayta Dios musyasimashqansi wilakuynin shumaqmi kaykan. Say wilakuynin kaynömi nikan: Jesucristumi runanöla yurirqan. Wanushqanpita Espíritu Santumi kawarisimurqan. Angilkunapis payta rikayarqanmi. Mana Israel runakunatami wilakuyninta wilakuqkuna wilapäyarqan. Maysaychöpis paymanmi yärakuykäyan. Gloriaman kutiykur Tayta Diospa nawpanchönami kaykan.

Hebreos 2:14

Diospa wamrankuna ushakaqla kayaptinmi Jesucristupis noqansino yurirqan y noqansino wanurqan. Sayno wanurmi wanuypaq munayyuq diabluta vincirqan.

Hebreos 9:26

Paykunanöla rurarqa kay pasata kamashqanpita kananyaqqa Jesucristo ayka kutishi wanunman karqan. Isanqa aska kuti wanunanpa trukan juk kutilami wanurqan. Jusansipita perdonash kanansipaqmi kay ultimu tiempucho sacrificiuno kikin wanurqan.

2 Pedro 2:4

Jusalikuq angilkunatapis Tayta Dios manami perdonarqansu, saypa trukanqa infiernumanmi qaykurqan. Saychömi yanawyaykaq sakayman wichqarqan juiciu final chämuptin juzgananpaq.

1 Juan 1:2

Say Kawasikuqta Tayta Dios kachamuptinmi payta rikayarqä. Saymi qamkunata wilayä mana ushakaq kawayta qaramaqninsi kashqanta. Paymi Tayta Dioswan kaykashqanpita noqansiman shamush.

1 Juan 3:10

Pipis jusalikur y runa mayinta chikirqa manami Diospa wamransu kaykan, sinöqa diablupa wamranmi. Saynöpami musyansi Diospa wamran pï kashqanta y diablupa wamran pï kashqantapis.

1 Juan 3:5

Musyansimi jusaynaq kanansipaq Jesucristo kay pasaman shamushqanta. Payqa manami imaypis jusalikushsu.

1 Juan 5:19

Musyansimi Tayta Diospa wamranna kashqansita. Saynöpis musyansimi intëru kay pasa Satanáspa munaynincho kaykashqanta.

Judas 1:6

Saynölami Tayta Diosta mana cäsuyashqanpita wakin angilkunatapis yanawyaykaq sakayman wichqaykush juiciu final chämushqanyaq.

Apocalípsis 20:10

Nirkurnami runakunata engañaq diabluta azufriyuq nina rupaykaq qochaman qaykunqa. Saychömi anticristo y lula profëtapis mayna qaykuraykäyanqa. Saychömi diablupis paqasta junaqta imayyaqpis paykunawan nakanqa.

Apocalípsis 20:15

Saymanmi Libru de la Vïdacho jutinkuna mana qelqaraq kaq runakunatapis qaykurirqan.