1 Juan 3:7 - Tayta Diospa Wilakuynin

⁷ Kuyay wamräkuna, pipis <> nirqa Jesucristunömi alikunata rurar kawasun. Cäsukuq kashqanta nikar jusalikuptinqa yachasiyäshushqaykita ama chaskiyaysu.

1 Juan 3:7 ပူးပေါင်းရင်းမြစ်များ

Salmo 106:3

Kushishqami kawayanqa Tayta Dios munashqanno kawaqkuna. Paykunaqa imaypis alilatami rurayan.

Salmo 45:7

7 (8) Pipis alita ruraptinqa kushikunkimi. Mana alita ruraptinqa ajanankimi. Saymi Tayta Dios qamta churashushkanki pïmaypitapis mas kushish kanaykipaq.

Mateo 5:20

Noqa kaynömi nï: Fariseukunapitapis y ley yachasiqkunapitapis mas shumaq mana kawarqa manami Tayta Dios mandaykashqanman yaykuyankisu.

Lucas 1:75

Sayno kaykaptinqa mana jusalikuypa pay munashqanno waran waran kawashun>>.

Hechos 10:35

Saynölami may nacionpita kaptinpis payta mansapakur cäsukuq kaqtaqa pïmaytapis kuyapan.

Romanos 2:13

Manami leyninkunata musyayashlanpitasu Tayta Dios pitapis salvanqa, sinöqa leyninkunata cäsukuyashqanpitami.

1 Corintios 6:9

¿Manaku musyayanki jusalikur kawaq runakunaqa Tayta Dios mandaykashqanman mana yaykuyänanpaq kayashqanta? Shumaq tantiyakuyay: Tayta Dios mandaykashqanman manami yaykuyanqasu fornicación jusata jusalikuqkuna, ïdulukunaman yärakuqkuna, majanta jarukuqkuna, prostitüta warmino puriq maqtakuna, olqupura kakuqkuna, suwakuqkuna, wachakashkuna, borrächukuna, washarimakuna y sakyapakuqkunapis.

Efesios 5:6

Mana cäsukuypa jusalikuqkunataqa Tayta Diosmi rabyashpan castiganqa. Sayno kaykaptinqa jusalikuyänaykipaq pï shakyäsiyäshuptikipis ama chaskipäyankisu.

Efesios 5:9

Asikyaqchöna kawarqa kuyapäkuqmi kayanki, alilatanami rurayanki y rasun kaqlatanami parlayankipis.

Filipenses 1:11

Imaypis alilata rurayänaykipaq Jesucristo yanapaykuyäläshunki. Lapanpis kaykusun Tayta Dios alabash kananpaq.

Hebreos 1:8

Surinpaqnami isanqa nirqan: <

Hebreos 7:2

Abrahamnami guërracho vincir lapan shuntamushqankunapita Melquisedecta diezmuta qoykurqan. Melquisedec ninanqa <> ninanmi. Salem ninanqa <> ninanmi. Saymi Melquisedecqa ali kawayta tarisiq rey karqan.

Santiago 1:22

Wilakuyninta wiyayashlaykiwanqa ama contentakuyaysu, saypa trukanqa cäsukur kawayay. Sayno mana kawayaptikiqa yachakuyashqaykipis walälapaqmi kanqa.

Santiago 2:19

Tayta Dios juklayla kashqanta criyiyashqayki ali kaptinpis manami say criyiyashlaykiwansu salvakuyanki. Tayta Dios kashqantaqa supaykunapis criyiyanmi. Sayno criyirpis infiernuman qaykush kayänanpaq kashqanta musyarmi mansariywan marmaryaykäyan.

1 Pedro 2:24

Jesucristo cruzcho nakarmi noqansipa jusansipita wanurqan. Sayno wanurqan noqansipis jusalikuypaq wanur Tayta Dios munashqanno kawanansipaqmi. Yawarninta jicharmi aliyäsimashkansi.

1 Juan 2:1

Kuyay wamräkuna, kay cartata cartakaykämü mana jusalikuyänaykipaqmi. Jusalikush imashqaqa Tayta Diospa nawpancho favorninsi sharkunanpaq abogädunsi kaykanmi. Say abogädunsiqa alilata ruraq Jesucristumi.

1 Juan 2:26

Kay cartata cartakaykämü lutan yachasikuqkunata mana chaskipäyänaykipaqmi.

1 Juan 2:29

Musyansimi Jesucristo imaypis alilata ruraq kashqanta. Saymi pipis alilata rurarqa Tayta Diospa wamran kaykan.

1 Juan 3:18

Kuyay wamräkuna, janan shonqulaqa ama kuyanakushunsu, sinöqa imaypis yanapänakur rasunpa kuyanakushun.

1 Juan 3:3

Sayno kanansipaq kashqanta shuyakuykarqa Jesucristo jusaynaq püru kashqanno noqansipis jusaynaq püru kashun.

1 Juan 4:17

Saynöpami Tayta Dios munashqanno kuyanakunsi. Sayno kuyanakur kawar y Jesucristo kay pasacho kawashqanno kawarqa juiciu finalcho manami mansakushunsu.