1 Juan 3:24 - Tayta Diospa Wilakuynin

²⁴ Mandamientunkunata cumplirqa paywanmi kaykansi y paypis noqansiwanmi kaykan. Noqansiwan pay kaykashqanta musyansi kachamushqan Espíritu Santuta chaskikush karmi.

1 Juan 3:24 ပူးပေါင်းရင်းမြစ်များ

Juan 10:38

Pay munashqanno kaptinqa criyiyämay. Nishqäkunata wiyayashlaykiwan mana criyirqa milagru rurashqäkunapita criyiyämay. Saynöpami tantiyayanki noqacho Taytä kashqanta y paycho noqa kashqäta>>.

Juan 14:17

Payqa rasun kaqta tantiyasikuq Espíritu Santumi kaykan. Tayta Diosta mana cäsukuqkunaqa Espíritu Santutapis manami chaskikuyanqasu. Sayno chaskikuyanqasu payta mana ashir y payta mana reqirmi. Qamkunami isanqa reqiyanki qamkunawan kaykaptin y qamkunacho kananpaq kaptin.

Juan 17:21

Noqansi juklayla kashqansino kikinpurapis y noqansiwanpis juklaylano kawayänanpaq yanapaykulay. Sayno kawayashqanta rikarmi wakin runakunapis tantiyakuyanqa kachamashqayki Cristo kashqäta.

1 Corintios 3:16

¿Manaku musyayanki Tayta Diospa templun kayashqaykita? ¿Manaku musyayanki Espíritu Santu qamkunacho taykashqanta?

1 Corintios 6:19

¿Manaku musyayanki Tayta Dios qoyäshushqayki Espíritu Santu tashqan templu kayashqaykita? Sayno kaykaptinqa cuerpuykikuna manami qamkunapasu, sinöqa Tayta Diospami.

2 Corintios 6:16

Saynöpis Tayta Diospa templunman ïdulukunata jamasiyashqan manami alisu kaykan. Noqansiqa imayyaqpis kawaq Tayta Diospa templunmi kaykansi. Palabranchöpis Tayta Dios nikan: <>.

1 Tesalonicenses 4:8

Kay yachasiyashqäkunata pipis mana chaskikurqa manami noqakunatasu manakaqman churaykäman, sinöqa Espíritu Santuta qomaqninsi Tayta Diostami.

2 Timoteo 1:14

Jesucristupa wilakuyninta pipis lutanta yachasiptinqa wawqi panikunata tantiyasiy mana chaskipäyänanpaq. Tantiyasinaykipaq Espíritu Santumi yanapäshunki. Paymi noqansiwan imaypis kaykan yanapämänansipaq.

1 Juan 2:24

Sayno kaykaptinqa Jesucristupa wilakuyninta yachakuyashqaykita ama qonqäyaysu. Mana qonqarqa Tayta Diospa y Surin Jesucristupa makinchömi kawaykäyanki.

1 Juan 2:3

Tayta Diosta reqishqansita musyansi mandamientunkunata cumplirmi.

1 Juan 2:5

Mandamientunkunata cumplirmi isanqa Tayta Diosta rasunpaypa kuyansi. Saynöpami musyansi Tayta Diospa makincho kashqansita.

1 Juan 2:6

Pipis Tayta Diospa makincho kaykashqanta nirqa Jesucristo kawashqanno kawasun.

1 Juan 3:22

Mandamientunkunata cäsukur pay munashqanno kawarqa imata manakushqansitapis chaskishunmi.

1 Juan 4:7

Kuyay wawqi panikuna, Tayta Dios kuyakuq kaykaptinqa jukninsi jukninsipis kuyanakushun. Kuyanakurqa Diospa wamran karmi payta reqinsi.