1 Juan 2:27 - Tayta Diospa Wilakuynin

²⁷ Jesucristupita chaskiyashqayki Espíritu Santu qamkunawanmi kaykan. Paymi rasun kaqlata lapantapis tantiyaykäsiyäshunki. Manami imaypis lulapäyäshunkisu. Sayno kaykaptinqa lutan yachasikuykunata ama chaskiyaysu. Espíritu Santu tantiyasiyäshushqaykinöla Jesucristuman yärakur imaypis kawayay.

1 Juan 2:27 ပူးပေါင်းရင်းမြစ်များ

Proverbios 28:5

Yaqa runakunaqa alita rurayänanpaq kaqta manami tantiyayansu. Tayta Diosta ashiqkunami isanqa ali kaqkunata rurayänanpaq tantiyakuyan.

Levítico 7:35

<<

Números 7:43

Paymi qellaypita rurash juk plätuta y juk lavatoriuta aparqan. Say plätu lasarqan pachak kimsa chunka (130) siclo y lavatoriuna lasarqan qanchis chunka (70) siclo. Saykunata pësarqan Tinkuna Sagrädu Tolducho kaykaq pësakunawanmi. Saki mikuy ofrendapaqmi say lavatoriucho y say plätucho aceitiwan pichush alinnin jarina junta kaykarqan.

Mateo 13:11

Saymi Jesús nirqan: <

Juan 14:16

Tayta Diosta ruwakuptïmi juk Yanapäkuqta kachamunqa. Paymi imayyaqpis qamkunawan kaykanqa.

Juan 14:17

Payqa rasun kaqta tantiyasikuq Espíritu Santumi kaykan. Tayta Diosta mana cäsukuqkunaqa Espíritu Santutapis manami chaskikuyanqasu. Sayno chaskikuyanqasu payta mana ashir y payta mana reqirmi. Qamkunami isanqa reqiyanki qamkunawan kaykaptin y qamkunacho kananpaq kaptin.

Juan 14:26

Aywakuptïnami noqapa trukä Yanapäkuq Espíritu Santuta qamkunaman Taytä kachamunqa. Paymi lapanta yachasiyäshunki y lapan yachasishqäkunata yarpäsiyäshunki.

Juan 16:13

Rasun kaqta tantiyasikuq Espíritu Santu shamurnami Diospa wilakuyninta lapanta tantiyasiyäshunki. Pay manami kikinpa yarpaylanpitasu tantiyasiyäshunki, saypa trukanqa noqa nishqäkunalatami. Saynölami ima päsananpaq kaqkunatapis tantiyasiyäshunki.

Juan 4:14

Noqa kamaripashqä yakuta upuq kaqmi isanqa imaypis yakunanqanasu. Say kamaripashqä yaku shonquncho pukyuno kaptinmi imayyaqpis kawanqa>>.

Juan 6:45

Profëtakuna qelqayashqanchöpis kaynömi nikan: . Say nishqannölami Tayta Dios tantiyasishqanta chaskikuq kaqkunaqa lapanpis chaskikayäman.

1 Corintios 2:12

Noqansiqa manami kay mundupa espïrituntasu chaskishkansi, saypa trukanqa Tayta Dios kachamushqan Espíritu Santutami. Saynöpami musyansi Tayta Dios salvamashqansita.

1 Corintios 2:13

Qamkunataqa manami runakunapita yachakushqätasu wilapaykä, saypa trukanqa Espíritu Santu tantiyasimashqantami. Saymi Espíritu Santuta chaskikush kayaptiki paypa yarpayninkunata tantiyaykäsï.

2 Corintios 1:21

Payta sirvinansipaq churamashpansi Jesucristuman mana ajayaypa yärakunansipaqmi yanapämansi.

Efesios 4:21

Jesucristupa ali wilakuyninta rasunpaypa chaskikush kaykarqa y pay munashqanno kawayänaykipaq yachakuykarqa

Colosenses 2:6

Señor Jesucristuta chaskikushna kaykarqa pay munashqanno imaypis kawayay.

1 Tesalonicenses 2:13

Tayta Diospa ali wilakuyninta wilapäyaptï manami runakunapa yarpaynin kashqantasu yarpäyashkanki, saypa trukanqa Tayta Diospa wilakuynin kashqantami. Sayno tantiyarmi lapan shonquykikunawan chaskikuyashkanki. Wilakuyninta wiyarmi tantiyakuyashkanki pay munashqanno kawayänaykipaq. Saymi imaypis Tayta Diosta agradëcikuyä.

1 Tesalonicenses 4:9

Jukniki juknikipis kuyanakur ali kawayänaykipaqmi Tayta Dios tantiyasiyäshushkanki. Saymi nistäyankisu kuyanakuyänaykipaq tantiyasinäta.

1 Timoteo 2:7

Say ali wilakuyta mana Israel runakunata wilapar apostolnin kanäpaqmi Tayta Dios churamash. Saymi yachaykäsï Diospa ali wilakuyninta chaskikur Jesucristuman yärakuyänanpaq. Mana lulakuypami [Jesucristupa jutincho] rasun kaqta nï.

1 Pedro 1:23

Sayno kawayänaykipaqmi yapay yurishno kaykäyanki. Manami mamaykikunapitasu ni taytaykikunapitasu say kawayta chaskikuyashkanki, sinöqa Diospa palabranta chaskikuyashqaykipitami. Paypa palabranqa kawaq karmi imaypis ushakanqasu.

1 Juan 2:28

Kuyay wamräkuna, Jesucristupa makincho imaypis kawayay. Sayno kawarmi Jesucristo kutimuptin mana mansariypa y mana penqakuypa nawpancho kayankipaq.

1 Juan 3:24

Mandamientunkunata cumplirqa paywanmi kaykansi y paypis noqansiwanmi kaykan. Noqansiwan pay kaykashqanta musyansi kachamushqan Espíritu Santuta chaskikush karmi.

2 Juan 1:2

Qamkunata kuyayä Tayta Diospa wilakuyninta noqakunano chaskikush kayaptikimi. Paypa wilakuynintaqa manami imaypis qonqäshunsu.